Boran saldarynan Qostanaı oblysynyń birneshe aýdany jaryqsyz qalǵan
QOSTANAI. QazAqparat – Qostanaı oblysynyń eki aýdany men bir qalasynda jaryq óship qaldy, dep habarlaıdy QazAqparat.
Qostanaı oblysy ákimdiginiń energetıka jáne turǵyn úı-kommýnaldyq sharýashylyq basqarmasy málimetinshe 16-17 qańtar kúnderi Arqalyq qalasy, Amangeldi jáne Qamysty aýdandarynda jaryq júıesi óship qalǵan.
«Qostanaı oblysynda aýa-raıynyń nasharlaýyna baılanysty jeldiń ekpini 30 m / s-qa deıin jetip, boran soǵyp tur. Sonyń saldarynan keı óńirde sym jelileri qysqa tuıyqtalyp, jaryq júıesi óship qalýda. Búgin tańerteń Qamysty aýdanynda elektr qurylǵylary tolyǵymen qalpyna keltirildi. Arqalyq qalasy men Amangeldi aýdanynda jumystar júrgizilýde. Jumystarǵa «Qostanaıjylýelektroservısi» mekemesiniń jedel brıgadalary jumyldyryldy», - delingen vedomstvonyń aqparatynda.
