Boran saldarynan birqatar óńirlerdegi joldarda kólik qozǵalysy qıyndady
ASTANA. 19 jeltoqsan. QazAqparat - Boranǵa baılanysty birqatar óńirler aýmaǵyndaǵy respýblıkalyq joldarda kólik qozǵalysyna shekteý engizildi. Bul týraly «Qazaqavtojol» RMK baspasóz qyzmetinen habarlady.
Aqmola oblysy boıynsha barlyq avtokólik túrleri úshin jol qozǵalysyna shekteý qoıyldy:
- «Qostanaı-Áýlıekól-Surǵan» jolynyń 232-260 shaqyrymyndaǵy, Qostanaı oblysy shekarasy men Surǵan aralyǵy;
-«Jaqsy-Esil-Buzylyq» a/j 0-82 shaqyrymy aralyǵy;
-«Jezqazǵan-Petropavl» a/j 377-595 shaqyrymyndaǵy Qostanaı oblysynyń shekarasy men SQO shekarasy ýchaskesi;
-«Ekaterınbýrg-Almaty» a/j 856-990 shaqyrymyndaǵy SQO shek. - Atbasar shek.
Buǵan qosa Astana qalasynan barlyq baǵyttar boıynsha avtokólikter ushin jol jabyq.
Búgin saǵat 11:00-den bastap «Kókshetaý-Atbasar» avtojoly ashyldy.
Qostanaı oblysy aýmaǵynda «Jezqazǵan-Petropavl» jolynyń 252-377 shaqyrymyndaǵy Karaǵandy oblysy shekarasy men Aqmola oblysy shekarasy aralyǵynda jol jabyq.
Sonymen qatar Qaraǵandy oblysy boıynsha barlyq baǵyttarda kólik qozǵalysyna shekteý engizildi.
Pavlodar oblysy boıynsha myna joldarda shekteý engizildi:
-«Astana-Ereımentaý-Shıderti» a/j 205-259 shaqyrymyndaǵy Aqmola obl. shek-Shiderti aralyǵy;
-«Qyzylorda-Pavlodar» a/j 1135-1205 shaqyrymyndaǵy Qaraǵandy obl. shek-Shiderti aralyǵy.
