Boran saldarynan «Astana-Frankfýrt» reısi keıinge shegerildi
ASTANA. QazAqparat - Elordada boran saldarynan "Astana-Frankfýrt" reısi keıinge shegerildi. Bul jaıynda Azamattyq avıatsııa komıtetiniń baspasóz qyzmetinen málim etti, dep habarlaıdy QazAqparat tilshisi.
"Qazirgi ýaqytta Astana qalasynyń áýejaıynda "Eır Astana" áýe kompanııasynyń Astana-Frankfýrt baǵytyndaǵy KS921 resiniń ushý merzimi aýa raıynyń qolaısyzdyǵyna baılanysty keshiktirilip jatyr. 5 aqpan saǵat 18-30-daǵy jaǵdaıǵa sáıkes ushý-qoný jolaǵynyń jalpy kórinýi 450 metrdi, aýa temperatýrasy -25 gradýsty, jel jyldamdyǵy sekýndyna 13 metrdi quraıdy", delingen komıtet aqparatynda.
Aýa raıynyń boljamyna sáıkes kúrdeli meteoahýal el aýmaǵynda saqtalady. Osyǵan baılanysty jolaýshylarǵa ózderiniń reısteri jaıly málimetterdi call-ortalyqtardan jáne áýe kompanııasynyń resmı saıtynan der ýaqytynda bilip otyrýǵa keńes beriledi.
Eır Astana kompanııasynyń call-ortalyqtary: Almatyda +7 7272 444477, Astanada +7 7172 584477, uıaly tel.: +7 702 702 4477.
«SCAT» áýe kompanııasynyń call-ortalyǵy: +7 7252 998880.
