Boran saldarynan Aqtóbe oblysy óńirindegi avtojoldarda kólik qozǵalysy shekteldi
ASTANA. 25 naýryz. QazAqparat - Boranǵa baılanysty Aqtóbe oblysy aýmaǵyndaǵy birqatar respýblıkalyq joldar jabyq. Bul týraly búgin «Qazaqavtojol» RMK baspasóz qyzmeti habarlady.
Kesheden beri «Samara-Shymkent» avtojolynyń 773-965 shaqyrymyndaǵy Belogorka-Qarabutaq eldi mekeni aralyǵynda, «Qandyaǵash-Embi-Shalqar-Yrǵyz» jolynyń 0-345 shaqyrymyndaǵy Qandyaǵash-Yrǵyz ýchaskesi, sondaı-aq «Aqtóbe-Orsk» jolynyń 16-135 shaqyrymyndaǵy Prıgorodnyı-Reseı shekarasy aralyǵynda kóliktiń barlyq túrlerine qozǵalys shekteldi.
Al búgin saǵat 01:00 kezinde boranǵa baılanysty jabylǵan «Aqtóbe-Astrahan» jolynyń 11-330 shaqyrymyndaǵy Aqtóbe-Atyraý oblysy shekarasy aralyǵy saǵat 11:00-den bastap ashyldy.
