Boran men kóktaıǵaq: Qazaqstannyń barlyq óńirine eskertý jarııalandy

ASTANA. KAZINFORM — 23 jeltoqsanda elimizdiń 17 oblysynda jáne Astana qalasynda boran soǵyp, kóktaıǵaq bolady. Bul týraly Kazinform agenttigi «Qazgıdromet» RMK-ǵa silteme jasap habarlady.

Jetisý oblysynyń shyǵysynda, taýly aýdandarynda tuman, kóktaıǵaq kútiledi. Soltústik-shyǵystan jel soǵady, Alakól kólderi aýdanynda ekpini 15-20, keı ýaqytta 23-28 m/s.

Túrkistan oblysynyń ońtústiginde, batysynda, taýly aýdandarynda tuman túsedi. Shymkent pen Túrkistanda keı ýaqytta tuman kútiledi.

Mańǵystaý oblysynyń ortalyǵynda túnde kóktaıǵaq bolady. Oblystyń batysynda, soltústiginde, shyǵysynda tuman kútiledi. Aqtaýdy túnde jáne tańerteń tuman basady.

Qyzylorda oblysynyń soltústiginde kóktaıǵaq kútiledi. Oblystyń ońtústiginde, soltústiginde, ortalyǵynda tuman túsedi. Qyzylordany keı ýaqytta tuman basady.

Jambyl oblysynda keı ýaqytta tuman túsip, kóktaıǵaq bolady. Soltústik-shyǵystan jel soǵady, oblystyń taýly aýdandarynda 15-20 m/s kútiledi. Tarazda keı ýaqytta tuman, kóktaıǵaq bolýy yqtımal.

Aqmola oblysynyń batysynda, soltústiginde túnde jáne túnde azdaǵan qar ushqyndap, jaıaý burqasyn bolady, oblystyń batysynda, soltústiginde qar, burqasyn kútiledi. Sonymen qatar kóktaıǵaq bolady. Túnde jáne tańerteń oblystyń ońtústiginde, shyǵysynda tuman túsedi. Ońtústik-batystan jel soǵady, ekpini 15-20 m/s, kúndiz oblystyń shyǵysynda keı ýaqytta 25 m/s deıin jetedi. Kókshetaýda ońtústik-batystan jel soǵady, tańerteń jáne kúndiz ekpini 15-20 m/s deıin barady.

Aqtóbe oblysynyń soltústiginde, batysynda, ortalyǵynda tuman túsip, kóktaıǵaq kútiledi. Aqtóbede kúndiz kóktaıǵaq bolady.

Atyraý oblysynyń batysynda, ońtústiginde, shyǵysynda túnde jáne tańerteń tuman túsip, kóktaıǵaq bolady. Ońtústikten, ońtústik-batystan jel soǵady, kúshi 9-14, túnde oblystyń soltústiginde ekpini 15-20 m/s.

Ulytaý oblysynyń soltústiginde, shyǵysynda azdaǵan qar ushqyndap, jaıaý burqasyn kútiledi. Oblystyń soltústiginde, shyǵysynda, ortalyǵynda tuman túsip, kóktaıǵaq bolady. Jezqazǵanda keı ýaqytta tuman kútiledi.

Batys Qazaqstan oblysynda túnde jaýyn-shashyn (jańbyr, qar), burqasyn, kóktaıǵaq, kúndiz oblystyń soltústiginde, ońtústiginde, shyǵysynda jaýyn-shashyn (jańbyr, qar), burqasyn, kóktaıǵaq kútiledi. Oblystyń batysynda, ońtústiginde, soltústiginde tuman túsedi. Jel ońtústik-shyǵystan ońtústik-batysqa aýysyp soǵady, oblystyń batysynda, ońtústiginde, soltústiginde ekpini 15-20 m/s deıin jetedi. Oralda jaýyn-shashyn (jańbyr, qar), burqasyn bolady, tuman túsip, kóktaıǵaq kútiledi.

Qaraǵandy oblysynyń batysynda, soltústiginde azdaǵan qar, jaıaý burqasyn bolyp, kóktaıǵaq kútiledi. Oblystyń soltústigin, shyǵysyn, ońtústigin tuman basady. Ońtústik-batystan, ońtústikten jel soǵady, tańerteń jáne kúndiz oblystyń batysynda, soltústiginde ekpini 15-18 m/s.

Qostanaı oblysynyń batysynda, soltústiginde, ońtústiginde túnde jáne kúndiz qar, burqasyn, kóktaıǵaq bolady. Oblystyń shyǵysynda, ońtústiginde tuman túsedi. Ońtústik-batystan jel soǵady, oblystyń batysynda, soltústiginde, shyǵysynda 15-20 m/s deıin jetýi múmkin. Qostanaıda kúndiz qar jaýyp, burqasyn, kóktaıǵaq bolady. Ońtústik-batystan jel soǵady, ekpini 15-20 m/s deıin barady.

Soltústik Qazaqstan oblysynyń soltústiginde, shyǵysynda túnde azdaǵan qar jaýyp, jaıaý burqasyn bolady, kúndiz oblystyń batysynda, ońtústiginde qar, burqasyn, oblystyń soltústiginde azdaǵan qar ushqyndaıdy, jaıaý burqasyn kútiledi. Oblystyń batysynda, ońtústiginde tuman, kúndiz kóktaıǵaq kútiledi. Ońtústik-batystan jel soǵady, kúshi 15-20, oblystyń batysynda, ońtústiginde ekpini 25 m/s deıin barady. Petropavlda kúndiz azdaǵan qar ushqyndap, jaıaý burqasyn bolady. Ońtústik-batystan jel soǵady, kúshi 15-20 m/s deıin jetedi.

Abaı oblysynyń soltústiginde jáne ortalyǵynda jaıaý burqasyn júrip ótedi. Túnde jáne tańerteń oblystyń shyǵysynda, ońtústiginde tuman túsedi. Jel ońtústik-shyǵystan, ońtústikten soǵady, oblystyń soltústiginde, ortalyǵynda 15-20 m/s deıin jetýi yqtımal.

Shyǵys Qazaqstan oblysynyń soltústik-batysynda jaıaý burqasyn kútiledi. Túnde jáne tańerteń oblystyń ońtústigin, ortalyǵyn tuman basady. Jel ońtústik-shyǵystan, ońtústikten soǵady, oblystyń soltústik-batysynda 15-20 m/s deıin barady. Óskemende túnde jaıaý burqasyn bolady. Jel ońtústik-shyǵystan soǵady, túnde ekpini 15-18 m/s deıin jetedi.

Pavlodar oblysynyń batysynda, soltústiginde qar ushqyndaıdy, jaıaý burqasyn kútiledi. Ońtústik-batystan jel soǵady, oblystyń batysynda, soltústiginde, ońtústiginde ekpini 15-20 m/s deıin barady.

Astanada joldarda kóktaıǵaq kútiledi. Ońtústik-batystan jel soǵady, kúndiz ekpini 15-20 m/s deıin jetýi múmkin.

Almaty oblysynyń ońtústiginde, taýly aýdandarynda keı ýaqytta tuman túsip, joldarda kóktaıǵaq kútiledi. Almatyny keı ýaqytta tuman basyp, joldarda kóktaıǵaq bolady. Qonaevta keı ýaqytta tuman túsip, joldarda kóktaıǵaq bolady.

Budan buryn Batys Qazaqstanda aýa raıynyń buzylýyna baılanysty joldar jabylǵanyn jazǵan edik.