Boran men kóktaıǵaq: Qazaqstannyń 15 óńirinde aýa raıyna baılanysty eskertý jarııalandy

ASTANA. KAZINFORM - Sınoptıkter Qazaqstannyń 15 oblysynda aýa raıy qolaısyz bolatynyn eskertti.

«Qazgıdromet» boljamyna qaraǵanda, Astanada jaıaý burqasyn bolady. Jel soltústik-batystan soǵyp, túnde ońtústik-batysqa aýysady, ekpini 15–20 m/s.

Almatyda kúndiz joldarda kóktaıǵaq bolady. Túnde jáne tańerteń tuman túsedi.

Shymkentte kóktaıǵaq bolyp, túnde jáne tańerteń tuman túsedi. Jel ońtústik-batystan, kúndiz ekpini 15–20 m/s.

Aqmola oblysynda túnde qar, boran, kúndiz oblystyń soltústigi men shyǵysynda qar jaýyp, jaıaý burqasyn soǵady. Jel soltústik-batystan ońtústik-batysqa aýysady, ekpini 15–20 m/s. Kókshetaýda túnde qar men jaıaý burqasyn bolady.

Almaty oblysynda soltústikte, ońtústikte jáne taýly aımaqtarda tuman túsip, joldarda kóktaıǵaq bolady. Jel batystan, oblystyń batysynda ekpini 15–20 m/s.

Qonaevta tańerteń jáne kúndiz joldarda kóktaıǵaq bolady. Túnde jáne tańerteń tuman túsip, jel batystan soǵady, kúndiz ekpini 15–20 m/s.

Atyraý oblysynyń batysynda tuman túsedi.

Ulytaý oblysynda túnde jáne tańerteń qar jaýyp, jaıaý burqasyn soǵady, kóktaıǵaq bolady, shyǵysynda keı ýaqytta qalyń qar jaýady. Óńirdiń batysynda, ońtústiginde jáne ortalyǵynda tuman. Jezqazǵanda 26 jeltoqsanǵa qaraǵan túni qar, jaıaý burqasyn, keı ýaqytta tuman túsedi.

Túrkistan oblysynyń taýly jáne taý etegindegi aýdandarynda kúndiz qatty jaýyn-shashyn (jańbyr, qar) bolady. Túnde oblystyń batysynda, soltústiginde, ońtústiginde jáne taýly aımaqtarda jaýyn-shashyn, jaıaý burqasyn, kóktaıǵaq bolady. Jel ońtústik-batystan soǵyp, ekpini 15–20 m/s, taý asýlarynda 23–28 m/s-ke deıin jetedi.

Túrkistan qalasynda jaýyn-shashyn, jaıaý burqasyn, kóktaıǵaq bolady.

Qaraǵandy oblysynyń soltústiginde qalyń qar jaýady. Túnde qar jaýyp, jaıaý burqasyn soǵyp, kóktaıǵaq bolady, kúndiz óńirdiń soltústigi men shyǵysynda qar jaýady. Batysynda, soltústiginde jáne ońtústiginde tuman.

Qaraǵandyda túnde jáne tańerteń qar jaýyp, jaıaý burqasyn soǵady, tuman túsedi.

Batys Qazaqstan oblysynyń batysynda, soltústiginde jáne shyǵysynda qar jaýyp, jaıaý burqasyn soǵady, tuman túsedi. Jel ońtústik-batystan jáne ońtústikten soǵady, ekpini 15–20 m/s.

Oralda kúndiz qar jaýyp, jaıaý burqasyn soǵady, tuman túsedi.

Qostanaı oblysynyń batysynda, soltústiginde jáne ońtústiginde tuman túsedi.

Abaı oblysynda túnde batysy men soltústiginde qar, boran, kóktaıǵaq bolady. Kúndiz jaýyn-shashyn (jańbyr, qar), boran, kóktaıǵaq, al soltústiginde, shyǵysynda jáne ońtústiginde qalyń qar jaýady. Jel baǵyty ońtústik-shyǵystan soltústik-batysqa aýysady, ekpini 23–28 m/s.

Semeıde qar jaýyp, boran, kóktaıǵaq bolady.

Shyǵys Qazaqstan oblysynyń batysynda jáne soltústiginde qar jaýyp, jaıaý burqasyn soǵady, kúndiz jaýyn-shashyn, boran, kóktaıǵaq bolady. Óńirdiń batysynda, soltústiginde jáne shyǵysynda qalyń qar jaýady.

Óskemende kúndiz jaýyn-shashyn (jańbyr, qar), boran, kóktaıǵaq bolady.

Aqtóbe oblysynyń ońtústiginde tuman túsedi.

Mańǵystaý oblysynda kóktaıǵaq bolady, óńirdiń batysy men soltústiginde tuman túsedi. Túnde oblystyń soltústik-shyǵysynda aıaz 20 gradýsqa deıin kúsheıedi.
Aqtaýda kóktaıǵaq bolady.

Qyzylorda oblysynda qar jaýyp, jaıaý burqasyn soǵady. Óńirdiń soltústiginde, ońtústiginde jáne ortalyǵynda tuman túsip, kóktaıǵaq bolady.
Qyzylordada túnde jáne tańerteń qar, jaıaý burqasyn, kóktaıǵaq bolyp, keı ýaqytta tuman túsedi.

Jetisý oblysynyń batysy men soltústiginde túnde qar jaýyp, kúndiz jaýyn-shashyn (jańbyr, qar) bolady. Batysynda, soltústiginde jáne taýly aımaqtarda jaıaý burqasyn soǵyp, kóktaıǵaq bolady. Shyǵysynda jáne taýly aýdandarda tuman túsedi. Jel batystan soǵady, ekpini 15–20 m/s.

Jambyl oblysynyń soltústiginde, ońtústik-batysynda jáne taýly aýdandarynda túnde jaýyn-shashyn, jaıaý burqasyn, kóktaıǵaq bolady. Kúndiz de osyndaı jaǵdaı saqtalyp, taýly aımaqtarda jaýyn-shashyn kúsheıedi.

Tarazda kúndiz kóktaıǵaq kútiledi, keı ýaqytta tuman. Jel ońtústik-batystan, ekpini 15–20, keıde 23–28 m/s.

Osyǵan deıin Jańa jyl túni Qazaqstan qalalarynda aýa raıy qandaı bolatyny týraly jazdy.