Boran kúnderi «Astana Tazalyqtyń» 400-500 jumysshysy qalaǵa jete almaı qaldy
NUR-SULTAN. QazAqparat – Boran kúnderi «Astana Tazalyqtyń» 400-500 jumysshysy qalaǵa jete almaı qaǵan. Bul týraly elorda ákimi Altaı Kólginovtiń halyqqa esep berý kezdesýinde aıtyldy, dep habarlaıdy QazAqparat tilshisi.
«Astana Tazalyq» JShS-da jumys istep jatqanyma 14 jyl boldy. Biz qalaǵa 90-100 shaqyrymdyq alys aýyldardan kelemiz. Tańǵy 03:00-te oıanamyn, kún batqansha jumys isteımiz. Biraq úıge kelgende «Astana Tazalyq» jumys istemeıdi» degen jańalyq estip otyramyz. Bizge tehnıka bólip jatqandaryńyzǵa rahmet, biraq bizde jumys isteıtin adam az. Biz jalaqymyzdy mańdaı terimizben alyp otyrmyz. Ózim áıel basymmen er adamdarmen birge qar tazalap, qar kúrep júremin», - dedi «Astana Tazalyq» JShS jumysshysy Tatıana Nıkolaevna.
Qala ákimi borandy kúnderi «Astana Tazalyqtyń» 400-500 adamy qalaǵa jete almaı qalǵanyn aıtty.
«Sizderge beriletin syıaqyny kóbeıtemiz. Jalaqy mólsheri de bıyl qańtar aıynda kóterildi. Shynymen de bul adamdardyń jumysy ońaı emes. Jaqynda boran bolǵan kúnderi joldar jabylyp qalyp, jumysqa aýyldan keletin «Astana Tazalyqtyń» 400-500 jumysshysy qalaǵa jete almaı qaldy. Sol kezde bizde qıyndyq týyndady, sondyqtan olardyń jumysyn baǵalaıyq», - dedi Kólginov.
