Boran, kóktaıǵaq: Shyǵys Qazaqstandaǵy joldardyń biri jabylady
ÓSKEMEN. KAZINFORM — Shyǵys Qazaqstan oblysyndaǵy joldardyń birinde kólik qozǵalysyna tyıym salynady.
ShQO Tótenshe jaǵdaılar departamenti baspasóz qyzmetiniń málimetine súıensek, búgin saǵat 18.00-den bastap aýa raıy qolaısyzdyǵyna, naqty aıtqanda boran, kóktaıǵaq pen joldyń durys kórinbeýine baılanysty joldardyń biri jabylady.
— Oblystyq mańyzy bar Óskemen-Taýly Úlbi-Soltústik tasjolynyń 45-60 shaqyrymynda (Feklıstovka aýyly men Severnoe aýylyna burylys joldyń arasy) kóliktiń barlyq túri úshin qozǵalys jabylady. Sondyqtan júrgizýshilerdi baǵyttaryn aldyn ala josparlap alýdy suraımyz, — delingen aqparatta.
Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa shaqyrdy.
Eske salsaq, osyǵan deıin ShQO-da jeltoqsanda aıaz túsip, qalyń qar jaýatyndyǵy habarlanǵan.