Boran, kóktaıǵaq: Qazaqstannyń 15 óńirinde kún raıy buzylady
ASTANA. KAZINFORM – Sınoptıkter 3 aqpanda Qazaqstannyń 15 oblysynda daýyldy eskertý jarııalady, dep habarlaıdy Qazgıdromet.
Túnde Abaı oblysynyń batysynda, soltústiginde jáne ortalyǵynda qar jaýyp, jaıaý boran soǵady, kúndiz qar men boran kútiledi. Jel ońtústik-shyǵystan soǵyp, soltústik-batysqa aýysady, oblystyń ońtústik-batysy men ortalyǵynda sekýndyna 15-20 metrge deıin jetedi.
Aqmola oblysynyń soltústiginde, ońtústiginde jáne shyǵysynda qar men boran kútiledi. Oblystyń batysy men ońtústiginde tuman túsedi.
Kúnniń ekinshi jartysynda Aqtóbe oblysynyń ońtústik-batysynda kóktaıǵaq bolady. Oblystyń shyǵysy men ortalyǵynda tuman túsedi. Jel ońtústik-shyǵystan soǵyp, kúndiz batysy men ortalyǵynda ekpini sekýndyna 15-18 metrge deıin jetedi.
Túnde Almaty oblysynyń soltústiginde kóktaıǵaq kútiledi. Oblystyń soltústiginde, ońtústiginde jáne taýly aımaqtarynda tuman bolady. Jel ońtústik-batystan soǵyp, kúndiz shyǵysqa aýysady, oblystyń batysynda ekpini sekýndyna 15-20 metrge jetedi.
Atyraý oblysynyń batysynda, soltústiginde jáne ońtústiginde tuman men kóktaıǵaq bolady. Jel ońtústik-shyǵystan soǵyp, kúndiz oblystyń soltústigi, ońtústigi jáne shyǵysynda ekpini sekýndyna 15-20 metrge deıin jetedi.
Kúndiz Shyǵys Qazaqstan oblysynyń batysynda, soltústiginde jáne shyǵysynda qar jaýyp, jaıaý boran soǵady. Túnde oblystyń soltústigi men ońtústiginde tuman kútiledi. Jel ońtústik-shyǵystan soǵyp, kúndiz oblystyń ońtústik-shyǵysynda sekýndyna 15-18 metrge deıin kúsheıedi.
Jambyl oblysynyń taýly aýdandarynda boran men kóktaıǵaq kútiledi, keı ýaqyttarda tuman túsedi. Jel ońtústik-batystan soǵyp, oblystyń ońtústik-batysy men taýly aımaqtarynda sekýndyna 15-20 metrge deıin jetip, ekpini 23 metrge deıin kúsheıýi múmkin.
Jetisý oblysynyń soltústiginde, shyǵysynda jáne taýly aýdandarynda boran soǵady, joldarda kóktaıǵaq bolady. Jel ońtústik-batystan soǵyp, oblystyń shyǵysy men taýly aımaqtarynda ekpini sekýndyna 15-20 metrge jetedi.
Túnde Batys Qazaqstan oblysynda qar men boran kútiledi, oblystyń batysynda, soltústiginde jáne ońtústiginde qalyń qar jaýady. Kúndiz jańbyr men qar túrindegi jaýyn-shashyn túsip, boran soǵady. Sondaı-aq tuman men kóktaıǵaq kútiledi. Jel ońtústik-shyǵystan soǵyp, soltústik-batysqa aýysady, kúndiz oblystyń ońtústik-shyǵysynda sekýndyna 15-20 metrge deıin jetedi.
Túnde Qaraǵandy oblysynda qar, boran jáne kóktaıǵaq kútiledi. Kúndiz oblystyń soltústiginde, shyǵysynda jáne ońtústiginde qar, boran, kóktaıǵaq bolady. Tuman túsedi.
Qostanaı oblysynyń shyǵysy men ońtústiginde tuman kútiledi.
Qyzylorda oblysynyń ortalyǵynda, shyǵysynda jáne soltústiginde tuman men kóktaıǵaq bolady.
Kúndiz Mańǵystaý oblysynyń batysynda, soltústiginde jáne ortalyǵynda kóktaıǵaq kútiledi. Sondaı-aq oblystyń osy aýmaqtarynda tuman bolady. Jel ońtústik-shyǵystan soǵyp, oblystyń soltústigi, shyǵysy jáne ortalyǵynda ekpini sekýndyna 15-20 metrge jetedi.
Túnde Túrkistan oblysynyń taýly aýdandarynda nóserli jaýyn-shashyn (jańbyr, qar) jáne kóktaıǵaq kútiledi. Oblystyń batysynda, soltústiginde, ońtústiginde jáne taýly aımaqtarynda tuman túsedi. Jel ońtústik-shyǵystan soǵyp, oblystyń soltústigi men taýly aýdandarynda sekýndyna 15-20 metrge deıin kúsheıedi.
Túnde jáne tańerteń Ulytaý oblysynyń shyǵysynda qar, boran, kóktaıǵaq kútiledi. Tuman bolady.
Aıta keteıik, aýa raıyna baılanysty Qyzylorda oblysynda kólik qozǵalysyna ýaqytsha shekteý qoıylady.