Boran, kóktaıǵaq: Qazaqstannyń 15 óńirinde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK sınoptıkteri 30 qarashada Qazaqstannyń 15 óńirine aýa raıyna baılanysty eskertý jasady. 

30 qarashada men 1 jeltoqsanda Jambyl oblysynyń taýly aýdandarynda qatty jaýyn-shashyn (jańbyr, qar), kóktaıǵaq bolady dep kútiledi. Oblystyń ońtústiginde, taýly aýdandarynda tuman túsedi. Oblystyń ońtústik-batysynda, soltústik-shyǵysynda, taýly aýdandarynda ońtústik-batystan soqqan jeldiń ekpini 15-20 m/s quraıdy. Tarazda keı ýaqyttarda tuman bolady dep kútiledi.

Qyzylorda oblysynyń soltústiginde, ortalyǵynda tuman, túnde kóktaıǵaq bolady dep kútiledi. Qyzylorda da keı ýaqytta tuman túsedi.

Astanada túnde jáne tańerteń tuman bolady dep boljanady. Aqmola oblysynyń batysynda, soltústiginde, shyǵysynda, sol sekildi Kókshetaý qalasynda da tuman túsedi.

Kúndiz Almaty oblysynyń shyǵysynda ońtústik-batystan, batystan jel soǵady, ekpini - 15-20 m/s.

Kúndiz Qaraǵandy oblysynyń batysynda, ońtústiginde, shyǵysynda kóktaıǵaq bolady dep kútiledi. Oblystyń batysynda, soltústiginde, ortalyǵynda da tuman bolady.

Ulytaý oblysynyń shyǵysynda, ońtústiginde, ortalyǵynda kóktaıǵaq bolady dep kútiledi. Oblystyń soltústiginde, shyǵysynda, ortalyǵynda tuman túsedi.

Túnde jáne tańerteń Aqtóbe oblysynyń batysynda, ortalyǵynda tuman túsedi dep kútiledi.

Soltústik Qazaqstan oblysynyń batysynda, soltústiginde, shyǵysynda, sondaı-aq ortalyǵynda da tuman túsedi dep kútiledi.

Abaı oblysynyń batysynda, soltústiginde tuman bolady. Ońtústik-shyǵystan soǵady, túnde Jarma aýdanyndaǵy ekpini 15-18 m/s quraıdy. Semeıde de tuman túsedi.

Túrkistan oblysynyń taýly aýdandarynda qatty jaýyn-shashyn (jańbyr, qar) bolady dep kútiledi. Oblystyń soltústiginde, batysynda, taýly jáne taý bókterli aýdandarynda tuman túsedi. Túnde oblystyń taý asýlarynda, kúndiz soltústiginde, batysynda, taýly jáne taý bókterli aýdandarynda ońtústik-batystan jel soǵady, ekpini - 15-20 m/s. Shymkentte, Túrkistanda da túnde tuman túsedi, ońtústik-batystan jel soǵady, kúndizgi ekpini 15-20 m/s deıin jetedi dep boljanady.

Shyǵys Qazaqstan oblysynyń soltústiginde, ońtústiginde tuman bolady dep kútiledi. Óskemende de túnde jáne tańerteń tuman túsedi.

Mańǵystaý oblysynyń soltústik-shyǵysynda, ońtústiginde kóktaıǵaq bolady dep kútiledi. Oblystyń soltústik-shyǵysynda, ortalyǵynda tuman bolady.

Túnde jáne tańerteń Batys Qazaqstan oblysynyń soltústiginde, shyǵysynda tuman túsedi. Oralda da túnde jáne tańerteń tuman bolady.

Atyraý oblysynyń shyǵysynda túnde tuman bolady.