Boran, kóktaıǵaq: Astana men 13 óńirde kún raıy buzylady

ASTANA. KAZINFORM – Qazaqstannyń 13 oblysynda jáne elordada aýa raıynyń qolaısyzdyǵyna baılanysty daýyldy eskertý jarııalandy, dep habarlaıdy Qazgıdromet.

Astana qalasynda keı ýaqytta jańbyr men qar túrinde jaýyn-shashyn kútiledi. Boran, kóktaıǵaq bolady. Jel ońtústik-batystan soǵady, jyldamdyǵy 15-20 m/s, kúndiz keı sátte 23 m/s deıin kúsheıedi.

Abaı oblysy: túnde batysynda, soltústiginde jáne ortalyǵynda, kúndiz soltústiginde jańbyr men qar jaýady. Kóktaıǵaq bolyp, boran soǵady. Jel ońtústik, ońtústik-batystan — 15–20 m/s.

Aqmola oblysy: jaýyn-shashyn (jańbyr, qar), kúndiz batysynda, soltústiginde jáne shyǵysynda nóser jańbyr jaýady. Kóktaıǵaq, boran kútiledi. Jel ońtústik-batystan soltústikke aýysyp, 15-20 m/s, keı jerlerde 23-28 m/s deıin kúsheıedi.

Aqtóbe oblysy: jel ońtústik-batystan soltústik-batysqa aýysyp, soltústiginde jáne shyǵysynda 15–20 m/s deıin soǵady.

Atyraý oblysy: túnde jáne tańerteń tuman túsedi. Jel ońtústik-shyǵystan, keı jerlerde 23 m/s deıin soǵady.

Shyǵys Qazaqstan oblysy: batysynda, soltústiginde jáne shyǵysynda jańbyr men qar jaýady, kóktaıǵaq, boran, túnde jáne tańerteń tuman kútiledi.

Jambyl oblysy: túnde jáne tańerteń ońtústiginde, taýly aýdandarda tuman túsedi. Jel ońtústik-batystan, taýly jáne soltústik-shyǵys bólikterinde 15-20 m/s, kúndiz keı ýaqytta 23-28 m/s deıin kúsheıedi.

Batys Qazaqstan oblysy: túnde jáne tańerteń batysynda jáne soltústiginde tuman túsedi, jeldiń ekpini 15–20 m/s.

Qaraǵandy oblysy: túnde batysynda jáne soltústiginde azdaǵan jaýyn-shashyn, kúndiz jańbyr men qar jaýady. Kóktaıǵaq, boran. Jel ońtústik-batystan, keıde 23 m/s deıin soǵady.

Qostanaı oblysy: jańbyr men qar, keı jerlerde qatty jaýyn-shashyn túsedi, kóktaıǵaq, boran, tuman kútiledi. Jel ońtústik-batystan soltústik-batysqa aýysyp, 15-20 m/s, keı jerde 23 m/s deıin soǵady.

Pavlodar oblysy: jańbyr men qar jaýyp, kóktaıǵaq bolady, boran soǵady. Jel 15-20 m/s, keı jerde 23 m/s deıin.

Soltústik Qazaqstan oblysy: jańbyr men qar jaýyp, kóktaıǵaq bolady, boran soǵady, keı aımaqtarda tuman túsedi. Jel 15–23 m/s.

Túrkistan oblysy: túnde jáne tańerteń ońtústiginde, soltústiginde jáne taýly aýdandarda tuman túsedi, kúndiz keı jerlerde jel 15-20 m/s turady.

Ulytaý oblysy: tańerteń jáne kúnaýa diz batysynda jáne soltústiginde jańbyr men qar jaýyp, kóktaıǵaq bolady, boran soǵady. Jeldiń ekpini 15-23 m/s deıin jetedi.

Mamandar aýa raıynyń kúrt ózgerýine baılanysty turǵyndarǵa saqtyq sharalaryn saqtaýdy eskertedi.