Boran, kóktaıǵaq: 17 óńirde kún raıy buzylýy múmkin

ASTANA. KAZINFORM – 10 qarasha kúni Qazaqstannyń 17 oblysynda daýyldy eskertý jarııalandy, dep habarlaıdy «Qazgıdromet».

Meteorologtardyń málimetinshe, elimizdiń kóptegen óńirinde jańbyr men qar aralas jaýyn-shashyn, boran, kóktaıǵaq, tuman jáne qatty jel kútiledi.

Abaı oblysynda túnde jáne kúndiz jańbyr men qar jaýady. Kóktaıǵaq, boran baıqalady. Oblystyń ońtústiginde keı ýaqyttarda qatty jaýyn-shashyn (jańbyr, qar) túsedi. Jel ońtústik-batystan soltústik-batysqa aýysady, jyldamdyǵy 15-20 m/s, al batysynda, soltústiginde jáne ortalyǵynda ekpini 23-28 m/s deıin jetedi.

Aqtóbe oblysynda túnde jáne tańerteń batysynda, ortalyǵynda tuman bolady.

Aqmola oblysynda túnde qar jaýyp, kúndiz soltústiginde, shyǵysynda jáne ońtústiginde jaýyn-shashyn (qar) bolady. Kóktaıǵaq, boran kútiledi. Jel soltústik-batystan ońtústik-batysqa aýysyp, soltústiginde, shyǵysynda jáne ońtústiginde 15-20 m/s jyldamdyqpen soǵady.

Almaty oblysynda ońtústik-batys jeli kúsheıedi: soltústigi men ońtústiginde jeldiń ekpini 15-20 m/s deıin jetedi.

Atyraý oblysynda túnde jáne tańerteń soltústiginde, batysynda jáne ońtústiginde tuman túsedi.

Shyǵys Qazaqstan oblysynda túnde jáne tańerteń batysynda, soltústiginde jáne shyǵysynda jaýyn-shashyn (jańbyr, qar) túsedi. Kóktaıǵaq, boran kútiledi. Kúndiz de jańbyr men qar jaýyp, keı jerlerde qatty jaýyn-shashyn bolady. Jel ońtústik jáne ońtústik-batystan soǵyp, 15-20 m/s, al batysynda, soltústiginde jáne ońtústiginde 23-28 m/s deıin kúsheıedi.

Jambyl oblysynda túnde jáne tańerteń ońtústiginde, taýly aımaqtarda tuman túsedi. Jel ońtústik-batystan soltústik-batysqa aýysyp, ońtústik-batysynda, soltústik-shyǵysynda jáne taýly aýdandarda 15-20 m/s, keıde 23-28 m/s deıin jetedi.

Jetisý oblysynda taýly aýdandarda tuman kútiledi. Alakól mańynda ońtústik-batystan soqqan jel 15-20 m/s, kúndiz keı jerlerde 23-28 m/s deıin kúsheıedi.

Batys Qazaqstan oblysynda túnde jáne tańerteń batysynda, soltústiginde jáne ońtústiginde tuman túsedi.

Qaraǵandy oblysynda túnde jańbyr men qar túrinde jaýyn-shashyn bolyp, kóktaıǵaq pen boran kútiledi. Kúndiz soltústiginde, shyǵysynda jáne ońtústiginde jaýyn-shashyn jalǵasady. Jel ońtústik-batystan soltústik-batysqa aýysyp, 15-20 m/s jyldamdyqpen, al túnde ortalyǵynda jáne shyǵysynda 23 m/s deıin kúsheıedi.

Qostanaı oblysynda túnde soltústiginde jáne shyǵysynda azdaǵan qar jaýady. Kóktaıǵaq, tómen boran baıqalady. Kúndiz batysynda jáne soltústiginde jańbyr men qar túrinde jaýyn-shashyn bolady. Soltústiginde, shyǵysynda jáne batysynda tuman kútiledi. Jel soltústik-batystan ońtústik-batysqa aýysyp, 15-20 m/s, keı jerlerde 23 m/s deıin kúsheıedi.

Qyzylorda oblysynda túnde jáne tańerteń soltústiginde jáne ortalyǵynda tuman, shyǵysynda jáne ortalyǵynda jańbyr men qar túrinde jaýyn-shashyn kútiledi, kóktaıǵaq bolady.

Mańǵystaý oblysynda túnde jáne tańerteń soltústiginde jáne ortalyǵynda tuman túsedi.

Pavlodar oblysynda jańbyr men qar túrinde jaýyn-shashyn, boran jáne kóktaıǵaq bolýy múmkin. Jel soltústik-batystan soǵyp, 15-20 m/s, al ońtústigi men shyǵysynda 23 m/s deıin kúsheıedi.

Soltústik Qazaqstan oblysynda túnde jáne kúndiz soltústiginde jáne batysynda qar jaýyp, boran soǵady. Kóktaıǵaq, tuman kútiledi. Jel soltústik-batystan ońtústik-batysqa aýysyp, 15-20 m/s jyldamdyqpen, túnde ońtústiginde jáne shyǵysynda ekpini 25 m/s deıin jetedi.

Túrkistan oblysynda túnde jáne tańerteń ońtústiginde jáne taýly aýdandarda tuman kútiledi. Jel ońtústik-batystan soǵyp, soltústiginde, batysynda jáne taýly aımaqtarda 15-20 m/s, al taý asýlarynda 23 m/s deıin jetedi.

Ulytaý oblysynda túnde batysynda jáne ortalyǵynda azdaǵan jaýyn-shashyn, shyǵysynda jańbyr men qar túrinde jaýyn kútiledi. Túnde batysynda, shyǵysynda jáne ortalyǵynda, kúndiz shyǵysynda kóktaıǵaq pen tómen boran bolady. Jel ońtústik-batystan soltústik-batysqa aýysyp, soltústiginde, shyǵysynda jáne ońtústiginde 15-20 m/s, al keı jerlerde 23 m/s deıin kúsheıedi.

Mamandar turǵyndarǵa aýa raıynyń qolaısyzdyǵyna baılanysty barynsha saq bolýdy, al júrgizýshilerge jol qozǵalysy kezinde asa muqııat bolýdy eskertedi.