Boran kezinde Qazaqstanda 3 myń shaqyrymǵa jýyq joldy qar basyp qalady
NUR-SULTAN. QazAqparat – «QazAvtoJol» UK» AQ basqarma tóraǵasynyń orynbasary Serik Aıdos jol qyzmetkerleriniń qys mezgiline daıyndyq jumystaryn qalaı atqaryp jatqanyn baıandap berdi, dep habarlaıdy QazAqparat.
«Kóktaıǵaqqa qarsy materıal – hımııalyq zattar, tuz, t.b daıarlaý jumysy qarqyndy júrip jatyr. Bazalardyń 98 paıyzy daıyn, bul – qazandyqtar, garajdar, qoımalar. Qysqy aýa raıy qolaısyz bolǵan jaǵdaıda bizdiń qyzmetkerler táýlik boıy jumys isteýge kóshedi», - dedi S.Aıdos.
Ol sondaı-aq Qazaqstanda qys mezgilinde qansha jol ýchaskesin qar basyp qalatynyn habarlady.
«2800 shaqyrym jol ýchaskesin erekshe baqylaýǵa alamyz. Bul – boran kezinde jıi qar turyp qalatyn jerler. Biz olardy baqylaýda ustap, qardy passıvti ustap turýdy qamtamasyz etý, qardan qorǵaý qalqandaryn ornatý jumystaryn júrgizemiz», - dep qosty ol.
