Boran, qalyń qar, úskirik: Túrkistan polıtseıleri júrgizýshilerden jolǵa shyqpaýdy ótindi
TÚRKІSTAN. QazAqparat - Túrkistan oblysynyń polıtseıleri júrgizýshilerden qolaısyz aýa raıy kezinde jolǵa shyqpaýdy suraıdy, dep habarlaıdy QazAqparat.
Túrkistan oblysynyń polıtseıleri júrgizýshiler men jolaýshylarǵa aýa raıynyń nasharlaýyna, kúnniń sýytýyna, qatty jel men qardyń túsýine baılanysty respýblıkalyq jáne oblystyq mańyzy bar keıbir trassalar kólik qozǵalysy úshin qaýipti ekenin eskertedi.
ıAǵnı aýa raıynyń qolaısyzdyǵyna baılanysty Túlkibas aýdany aýmaǵyndaǵy «Batys Eýropa-Batys Qytaı» jolynyń 593- 652 shaqyrymynda qarly boran soǵyp, jol kórinbeıdi.
Demek mundaı ýaqytta jol kólik oqıǵasynyń oryn alýy ábden múmkin.
Sondyqtan búgingi tańda Túrkistan oblysynyń polıtseıleri jolda qalyp qoıǵan avtokólikter men adamdarǵa kómek kórsetý boıynsha jumys atqaryp jatyr.
Óz kezeginde, tártip saqshylary eldi mekenderden tys jerlerge shyǵý qıyn ekenin eskertedi jáne azamattarǵa alys joldarǵa barmaýǵa keńes beredi.
Shuǵyl qajettiliksiz kóshege shyqpaǵan jón.
Saparǵa shyqqan jaǵdaıda joldarda barynsha muqııat jáne abaı bolý kerek, jyldamdyq rejımin, manevr jasaý erejelerin qatań saqtaý qajet.
Oblys polıtseıleri aýa raıynyń tosyn minez tanytyp, burqasyn bolýyna baılanysty barsha turǵyndar men qonaqtarǵa jolǵa shyqpaýǵa keńes beredi.
Tártip saqshylary jolaýshylardyń amandyǵy úshin, joldarda kirpik ilmesten qyzmet etip júr.
