Boran, burqasyn, kóktaıǵaq: Qyzylorda oblysynda kólik qozǵalysy shekteldi

QYZYLORDA. KAZINFORM – Aýa raıynyń nasharlaýyna baılanysty «Samara-Shymkent» avtomobıl jolynyń Qyzylorda oblysyndaǵy birqatar bóliginde kólik qozǵalysyna ýaqytsha shekteý qoıyldy. 

7 aqpanda elorda ýaqytymen saǵat 12:30-den bastap Aqtóbe oblysynda aýa-raıy kúrt nasharlaǵan. Boran, burqasyn, kóktaıǵaq bolyp tur. 

«Osyǵan baılanysty respýblıkalyq mańyzy bar «Samara-Shymkent» avtomobıl jolynyń 1 240-1 360 shaqyrym aralyǵynda kólik qozǵalysyna ýaqytsha shekteý qoıyldy. Ol Aqtóbe oblysynyń shekarasynan Aral qalasyna deıingi aralyqty qamtıdy», - dep málim etti Qyzylorda oblystyq Tótenshe jaǵdaılar departamentinen. 

Eske salsaq, Qyzylorda oblysynyń atalǵan aýmaǵynda 4 aqpanda kólik qozǵalysy shekteldi.