Boran, burqasyn, kóktaıǵaq: Astana men 16 óńirde daýyldy eskertý jarııalandy
ASTANA. KAZINFORM — Qazaqstannyń basym bóliginde 19 jeltoqsanda burqasyn bolyp, tuman túsedi, dep habarlaıdy «Qazgıdromet» RMK.
Astanada túnde qarly boran soǵady. Muz. Tańerteń ońtústik-shyǵystan soǵatyn jeldiń ekpini - 15-20 m/s.
Shymkentte tańerteń ońtústikten, ońtústik-batystan soǵatyn jeldiń ekpini 15-20 m/s bolady dep kútiledi.
Abaı aýdanynda ońtústik-shyǵystan soǵatyn jeldiń ekpini - 15-20 m/s, Jarma aýdanynda ekpini - 23 m/s.
Aqtóbe oblysynda qarly boran soǵady. Oblystyń batysy men ońtústiginde kóktaıǵaq kútiledi. Ońtústik-batystan soǵatyn jeldiń ekpini - 15-20 m/s.
Aqmola oblysynda burqasyn, kóktaıǵaq bolady. Ońtústik-shyǵystan jel soǵady, túnde oblystyń batysynda, soltústiginde, ońtústik-shyǵysynda - 15-20 m/s, kúndiz soltústikte, ońtústikte, shyǵysta - 15-20 m/s.
Tańerteń jáne kúndiz Almaty oblysynyń ońtústiginde, shyǵysynda, taýly aýdandarynda ońtústik-shyǵystan soǵatyn jeldiń ekpini - 15-20 m/s.
Atyraý oblysynyń soltústiginde, ońtústiginde jáne shyǵysynda kóktaıǵaq, burqasyn kútiledi. Soltústik-batystan soǵatyn jeldiń ekpini - 15-20 m/s.
Shyǵys Qazaqstan oblysynda shyǵystan, kúndiz ońtústik-shyǵystan jel soǵady, ekpini - 15-18 m/s.
Ońtústikte, Jambyl oblysynyń taýly aımaqtarynda tuman túsedi. Kúndiz ońtústik-batysta, oblystyń taýly aımaqtarynda kóktaıǵaq bolady.
Túnde Batys Qazaqstan oblysynyń basym bóliginde, kúndiz oblystyń soltústiginde, shyǵysynda, ońtústiginde kóktaıǵaq, burqasyn kútiledi. Oblystyń shyǵysynda tuman túsedi. Batystan, ońtústikte soltústik-batystan, shyǵystan jel soǵady, oblys ortalyǵynda ekpini - 15-20 m/s.
Qaraǵandy oblysynyń batysy men soltústiginde burqasyn kútiledi. Túnde jáne tańerteń oblystyń ońtústigi men shyǵysynda tuman túsedi.
Qostanaı oblysynyń basym bóliginde burqasyn, kóktaıǵaq kútiledi. Oblystyń batysynda tuman túsedi. Oblystyń soltústiginde, shyǵysynda, ońtústiginde ońtústik-shyǵystan soǵatyn jeldiń ekpini - 15-20 m/s.
Qyzylorda oblysynyń ortalyǵynda kóktaıǵaq kútiledi. Jel ońtústikten, soltústikten ońtústik-batystan soǵady, oblys ortalyǵynda - 15-20 m/s.
Mańǵystaý oblysynyń batysynda, soltústiginde jáne ortalyǵynda kóktaıǵaq bolady. Batysta soltústik-batystan soǵatyn jeldiń ekpini - 15-20.
Pavlodar oblysynyń batysynda jáne soltústiginde burqasyn kútiledi, kúndiz kóktaıǵaq bolady. Oblystyń batysy men soltústiginde ońtústik-shyǵystan jel soǵady, ekpini - 15-20 m/s.
Soltústik Qazaqstan oblysynda túnde qar, kúndiz jaýyn-shashyn (jańbyr, qar) kútiledi. Kúndiz oblystyń batysynda, soltústiginde jáne ońtústiginde burqasyn, kóktaıǵaq bolady. Oblystyń batysynda tuman túsedi. Ońtústik-shyǵystan soǵatyn jeldiń kúshi - 15-20 m/s, oblystyń ońtústiginde ekpini - 23-28 m/s.
Kúndiz Túrkistan oblysynyń taýly aımaqtarynda kóktaıǵaq kútiledi. Oblystyń soltústiginde, batysynda, ońtústiginde, taýly jáne taý bókterindegi aýdandarynda tuman túsedi. Oblystyń taý asýlarynda qar jaýady.
Kúndiz Ulytaý oblysynyń batysynda jáne soltústiginde keı jerlerde qalyń qar jaýady. Túnde batysta, soltústikte, oblys ortalyǵynda qarly boran, kúndiz burqasyn bolady. Ońtústik, ońtústik-shyǵystan soǵatyn jeldiń ekpini - 15-20, keı ýaqytta 23 m/s.