Boran: Abaı oblysynda polıtseıler 300-den astam kólikti ótkizdi

SEMEI. KAZINFORM — Abaı oblysyndaǵy «Omsk-Maıqapshaǵaı» tasjolynyń ýchaskesinde polıtseıler 300-den astam kólikten turatyn avtotizbekti ótkizdi. 

Respýblıkalyq mańyzy bar «Omby-Maıqapshaǵaı» tasjolynyń 666-733 shaqyrym aralyǵynda qalǵan avtotizbekti birrettik ótkizý uıymdastyryldy. Bul týraly Abaı oblystyq polıtsııa departamenti habarlady.

Jalpy sany 300-den astam avtokólik, onyń ishinde 189 jeńil jáne 126 júk kóligi ótkizilgen. 

— Avtotizbek patrýldik polıtsııa ekıpajynyń jáne jol qyzmetteriniń arnaıy tehnıkasynyń jol bastap júrýimen Besqaraǵaı aýylynan Semeı qalasy baǵytyna shyqty. Qozǵalys boran men kóriný qashyqtyǵynyń shektelýi jaǵdaıynda táýekelderdi azaıtý maqsatynda, polıtsııa qyzmetkerleriniń tolyq baqylaýymen, uıymdasqan túrde júzege asyryldy, — delingen aqparatta. 

Eske salsaq, osyǵan deıin ShQO-da polıtseıler 80-nen astam kólikten turatyn avtotizbekke jol bastap júrgeni habarlanǵan.