Boraldai Motorplex 2010 jylǵy Dreg reısıng jarysynyń qorytyndy kezeńin ótkizýde
ALMATY. Qazannyń 16-sy. QazAqparat /Erbol Turymbetov/ - Búgin Almatydaǵy Boraldai Motorplex kompleksi aýmaǵynda áıgili «dreg reısıng» tártibiniń sońǵy - tórtinshi kezeńi ótip jatyr.
Jarystyń basty oqıǵasy - Dreg Reısıng boıynsha Reseı komandasy ókilderi sekildi arnaıy qonaqtardyń kelýi. Saıysqa Reseıden 7 kólik ekıpajy ótinish bildirgen jáne solar qazaqstandyq chempıondarǵa basty qarsylas atanyp otyr. Sonymen birge, shara qatysýshylarynyń biri - tanymal «Stal» kaskaderlar toby kórermenderdi ózderiniń erekshe baǵdarlamasymen qýantady. Kórermender úshin kúni boıy DJ Gladkıı án aıtady.
Drag Racing Stadium kompanııasy 2009 jyly qurylǵan bolatyn. Olardyń basty maqsaty arnaıy daıyndalǵan komplekster bazasynda sporttyq jáne oıyn-saýyq sharalaryn ótkizýge baǵyttalǵan.
Dreg reısıng - sprınterlik júristegi jarys básekesi. Negizinen, dreg-reısıng jarysy tikeleı joldarda ótedi. Bul jarystyń keńinen taralǵan túri - porshendi qozǵaltqyshty avtokólikter men mototsıkldar jarysy bolyp tabylady.
