Bopsalaý, tonaý, alaıaqtyq: Qaraǵandy oblysynda uıymdasqan qylmystyq top ustaldy
ASTANA. KAZINFORM - Qaraǵandy oblysy polıtsııa departamentiniń uıymdasqan qylmysqa qarsy kúres basqarmasy prokýratýranyń kómegimen birqatar aýyr qylmystar jasaǵan qylmystyq top qkilderin ustady, - dep habarlaıdy Polisia.kz.
- Olarǵa qatysty bopsalaý, tonaý, alaıaqtyq jáne qarýdy zańsyz saqtaýdyń 18 epızody boıynsha tergeý júrgizilýde. Atalǵan qylmystyq ister boıynsha jábirlenýshilerge keltirilgen jalpy zalal 26 mln teńgeden asady. Tintý sharalary barysynda kúdiktilerden birneshe atys jáne sýyq qarý, sondaı-aq kóptegen oq-dáriler tárkilendi. Qylmystyq toptyń barlyq músheleri ustalyp, ýaqytsha ustaý ızolıatoryna qamaldy. Olardyń basqa da uqsas faktilerge qatystylyǵy tekserilýde. «Zań jáne tártip» qaǵıdatyn qamtamasyz etý mınıstrliktiń erekshe baqylaýynda, - dedi ІІM uıymdasqan qylmysqa qarsy kúres departamentiniń ókili Qýandyq Alpys.
Osyǵan deıin qazaqstandyqtardy aldap kelgen transulttyq qylmystyq toptyń Armenııada ustalǵany týraly jazdyq.