BOOKFEST 2025: Qazan aıynda búkil Qazaqstan boıynsha kitap festıvali ótedi

ASTANA. KAZINFORM — Meloman/MARWIN dúkender jelisi 2025 jylǵy 1–31 qazan aralyǵynda óziniń barlyq qalalardaǵy dúkenderinde dástúrli BOOKFEST 2025 kitap festıvaliniń ótetinin habarlady.

BOOKFEST jyl saıyn myńdaǵan oqyrmannyń basyn qosyp, eldiń mádenı-aǵartýshylyq ómirindegi mańyzdy oqıǵalardyń birine aınaldy.

Festıval baǵdarlamasyna mynalar kiredi:

• úzdik kitaptardyń jeńildikpen satylýy;

• syılyqtar men tosynsyılar utystary;

• otandyq jáne sheteldik avtorlarmen kezdesý sessııalary;

• tanymal kásipkerlermen ashyq suhbattar;

• sheberlik saǵattary, dárister jáne avtograf-sessııalar.

BOOKFEST – tek kitap satyp alý emes, túrli jastaǵy jáne ártúrli qyzyǵýshylyǵy bar adamdardy biriktiretin naǵyz kitap merekesi.

– Biz úshin mańyzdysy – álemdik kitaptardy oqyrmanǵa usyný jáne qoǵamda oqý mádenıetin qalyptastyrý. BOOKFEST oqý mádenıetin damytýǵa, otandyq avtorlardy qoldaýǵa jáne ádebıetti keń aýdıtorııaǵa nasıhattaýǵa baǵyttalǵan. Kitaptar adamdarǵa shabyt berip, urpaqtar arasyndaǵy baılanysty nyǵaıtyp, jańa múmkindikterge jol ashady dep senemiz, – dedi Meloman/MARWIN ókili Dıana Isabekova.

Ótetin merzimi: 2025 jylǵy 1–31 qazan

Ótetin orny: Meloman/MARWIN dúkender jelisiniń barlyq dúkenderi

Aqparat úshin: 8 701 720 19 85, 8 771 166 46 46, Instagram: @melomankaz

Eske sala keteıik, BOOKFEST kitap festıvali Meloman/MARWIN jelisi tarapynan 2020 jyldan beri ótkizilip keledi jáne osy ýaqyt ishinde Qazaqstandaǵy eń iri kitap ındýstrııasyna aınaldy. Jyl saıyn festıval oqyrmandardy, avtorlardy, baspagerlerdi jáne kásipkerlerdi biriktirip, dıalogqa, bilim almasýǵa jáne oqý mádenıetin ilgeriletýge arnalǵan keńistik qalyptastyrady.

Aıta keteıik, jaqynda Astanada dástúrli «KitapTime — 2025» respýblıkalyq kitap festıvali ótti.