«Bombaǵa» baılanysty Aqmola oblystyq prokýratýrasynyń qyzmetkerleri evakýatsııalandy

KÓKShETAÝ. QazAqparat - Aqmola oblysynda prokýratýra ǵımaratyna jarylǵysh zat qoıylǵany týraly jalǵan málimet bergen kúdikti izdestirilýde, dep habarlaıdy QazAqparat tilshisi.

Oblystyq Polıtsııa departamentiniń deregi boıynsha, 13 maýsymda kezekshilik bólimge qońyraý shalynyp, Aqmola oblystyq prokýratýrasynyń ǵımaratyna jarylǵysh zat ornatylǵany týraly aıtylǵan.

«Oqıǵa ornyna polıtsııa narıady baryp, ǵımaratty aınala qorshaýǵa aldy jáne prokýratýra qyzmetkerlerin qaýipsiz jerge shyǵardy. Іzdestirý sharalary barysynda jarylǵysh zat tabylǵan joq», - dedi vedomstvodan.

PD baspasóz qyzmetiniń málimetinshe, qazirgi kezde polıtsııa qyzmetkerleri tarapynan jarylǵysh zattyń qoıylǵany týraly jalǵan málimet bergen kúdiktini anyqtap, ustaý boıynsha keshendi jedel-izdestirý sharalary júrgizilýde.