Bombaǵa baılanysty Lývr men Versaldaǵy adamdar dereý evakýatsııalandy

Taıaý Shyǵystaǵy jaǵdaıǵa baılanysty Eýropada qaýipsizdikke qatysty alańdaýshylyq artyp keledi. Senbi kúni qaýip-qaterge baılanysty Lývr men Versal saraıy evakýatsııalandy, dep habarlaıdy Kazinform agenttigi Euronews-ke silteme jasap. 

Frantsııada jarylys qaýpi týraly eskertýden keıin Lývr men Versal saraıyndaǵy kelýshiler dereý evakýatsııalandy.

Parıjdiń ortalyǵynda ornalasqan Lývrǵa kelýshiler men qyzmetkerler dabyl qaǵylysymen murajaı ǵımaratynan asyǵys shyǵyp ketti.

Keıin Parıjdegi Lıon vokzalynyń evakýatsııalanǵany týraly aqparat tarady. Ol jerden kúdikti paket tabylǵan.

Juma kúni Frantsııada «terrorızmge qarsy tótenshe eskertý» rejımi engizildi.

13 qazan kúni bılik qaýip deńgeıin arttyrý jóninde sheshim qabyldady.

Bul kúni Arras qalasyndaǵy Gambetta kolledjine jasalǵan shabýyldan bir muǵalim qaza taýyp, birneshe adam jaralandy.

Tergeý aıasynda polıtseıler 11 adamdy ustady.

Frantsııanyń ishki ister mınıstri Jerald Darmanen Taıaý Shyǵysta bolyp jatqan oqıǵalar men Arrastaǵy shabýyl arasynda baılanys bolýy múmkin ekenin aıtty.

Darmanen eldiń qaýipsizdik qyzmeti qaýipti dep sanaıtyn kez kelgen sheteldikti elden shyǵarýǵa shaqyrdy.

ІІM málimetinshe, Frantsııada bir apta ishinde antısemıtızmniń 189 áreketi anyqtalǵan.

Sonymen qatar, Kıpr qaýipsizdik sharalaryn kúsheıtti.

Aral Izraılden teńiz jáne áskerı ushaqpen ketip jatqan júzdegen adamdy qabyldaýdy jalǵastyryp jatyr.

Osy jeksenbide Kıprge eki myńnan astam adam keledi dep habarlandy.