«Bombadan qorǵaıtyn oryndardy» túgendeý: 70% nysan — jekeniń qolynda

ASTANA. Kazinform – Ótken jyly júrgizilgen túgendeý nátıjesinde elimizdegi «bombadan qorǵaıtyn oryndardyń» 70 paıyzy jekeniń qolynda ekeni anyqtaldy. Bul týraly Kazinform saýalyna QR Tótenshe jaǵdaılar mınıstrliginiń resmı jaýabynda aıtyldy.

— 2024 jyly TJM aýmaqtyq organdary jergilikti atqarýshy organdarmen birlesip «azamattyq qorǵanystyń qorǵanysh qurylystaryna» («bombadan qorǵaıtyn oryn» ataýynyń resmı termıni – red.) túgendeý júrgizdi. Búgingi tańda qorǵanysh qurylystar qorynyń shamamen 70%-y jeke uıymdardyń balansynda, - delingen habarlamada. 

Vedomstvo málimetinshe, azamattyq qorǵanys salasyndaǵy memlekettik baqylaý sheńberinde azamattyq qorǵanys sanattaryna jatqyzylǵan qorǵanysh qurylystar qorynyń sany, jaı-kúıi jyl saıyn tekseriledi. Kemshilikter bolǵan jaǵdaıda (jergilikti atqarýshy organdarǵa – red.) qorǵanysh qurylystar qoryn qurý nemese daıarlyqqa keltirý týraly uıǵarymdar jazylady. 

Al azamattyq qorǵaý organdary júıesindegi qyzmettik qujattardyń vedomstvolyq tizbesine sáıkes qorǵanysh qurylystar sany men daıyndyǵy týraly aqparattarǵa «QBP» belgisi basylǵan. ıAǵnı qupııa sanalady.

Aıta keteıik, buǵan deıin tótenshe jaǵdaı kezinde halyq bombadan qalaı qorǵana alatynyn jazǵan edik.