Bomba týraly habardan soń Tallın áýejaıyndaǵy jolaýshylar qaýipsiz jerge kóshirildi
ASTANA. QazAqparat - Senbi kúni tańerteń Tallın áýejaıyndaǵy jolaýshylardyń biri sómkesinde jarylǵysh zat bar ekenin habarlaǵan soń, 200-den astam adam áýejaıdan kóshirildi, dep habarlady Pyhıa prefektýrasy polıtsııasynyń baspasóz qyzmeti.
«Senbi kúni tańerteń jolaýshylardyń biri sómkesinde jarylǵysh zat bar dep málimdedi. Sol sebepti, eki júzden astam adam áýejaıdan qaýipsiz jerge kóshirildi. Tekserý barysynda eshqandaı kúdikti zat tabylmady. Bomba týraly habarlaǵan jolaýshy ustaldy», - dedi prefektýranyń baspasóz hatshysy Seıko Kýık.
Polıtsııa qoǵamdyq tártipti óreskel buzý faktisi boıynsha qylmystyq is qozǵady.
Mundaı qylyq úshin Estonııada bes jylǵa deıin bas bostandyǵynan aıyrylýy múmkin, dep jazdy RIA Novostı.
