Bomba saldarynan London áýejaıy shuǵyl jabyldy
ASTANA. QazAqparat - London-Sıtı áýejaıy sol mańda Temza ózeninde ekinshi dúnıejúzilik soǵys kezindegi bombanyń tabylýy saldarynan jabyldy, dep habarlaıdy bbc.
Dúısenbi kúngi barlyq áýe reısteri keıinge shegerildi. British Airways jáne Lufthansa áýe kompanııalarynyń qyzmetin paıdalanatyn 16 myń júrginshi joldan qaldy.
Jarylmaǵan snarıad Temza ózeninde áýejaıǵa jaqyn jerde jobalaý-zertteý jumystaryn júrgizip jatqanda tabylǵan. Áýe aılaǵy mańaıynda 214 metrlik aýmaq jabylyp, ondaǵy barlyq adamdar evakýatsııalandy.
Polıtsııa seısenbide tańerteń uzyndyǵy birjarym metr, salmaǵy jarty tonnalyq bombany sýdan alyp shyǵýǵa ýáde berip otyr.
