Bomba qoıylǵany týraly habar jalǵan bolyp shyqty - Parıj
ASTANA. Qyrkúıektiń 15-i. QazAqparat - Jarylys bolý qaýpine baılanysty keshe keshke Eıfel munarasynan 2,5 myńdaı adam jedel kóshirildi. Bul týraly jergilikti buqaralyq aqparat quraldary habarlady.
Týrıstik keshendi basqarýshy kompanııaǵa qońyraý shalǵan belgisiz bireý, munaraǵa bomba qoıylǵanyn habarlaǵan. Adamdardy qaýipsiz jerge kóshirý sharasy esh dúrbeleńsiz ótti, eshkim zardap shekken joq. Polıtsııa ókiliniń atap kórsetýinshe, jaqynda ǵana AQSh-ta qyrkúıektiń 11-indegi lańkestik oqıǵanyń toǵyz jyldyǵy atap ótilgendikten, tártip saqshylary qońyraýdy shyn kórgen.
Polıtseıler men kınologtar Eıfel munarasy men Mars alańyn tekserip jatqan kezde, qala mańyndaǵy Sen-Mıshel stansasyna jarylǵysh zattyń qoıylǵany týraly anonımdi qońyraý túsken. Onda da jolaýshylar jedel kóshirilip, poıyz qozǵalysy bir saǵatqa toqtatylǵan. Ol jerden de eshqandaı kúdikti nárse tabylǵan joq.
