Bomba qoıyldy dep jalǵan habar bergen qaraǵandylyq muǵaliminiń jaza merzimi qysqartyldy

QARAǴANDY. QazAqparat - Búgin Qaraǵandy oblysy Abaı aýdandyq soty  Qaraǵandydaǵy Ortalyq ámbebap dúkenge jarylǵysh zat qoıylǵandyǵy týraly polıtsııaǵa habarlasyp, jalǵan habar bergen fızıka pániniń muǵalimi ıÝrıı Paktyń jaza merziminiń 4/1 bóligin qysqartty, dep habarlaıdy «QazAqparat» HAA tilshisi.

Sýdıa Gúlnara Mıhanova ıÝrıı Paktyń «QR Táýelsizdiginiń 25 jyldyǵyna oraı raqymshylyq jasaý týraly» Zańyn qoldaný týraly ótinishin qanaǵattandyrdy.

«Sýdıa  159/18 túzetý mekemesiniń ákimshiliginen sottalýshy ıÝrıı Paktyń  jazasyn qysqartý týraly ótinishin qanaǵattandyrdy. Osylaısha, QR «Raqymshylyq týraly» Zańy qoldanysqa engizilgen kúnnen bastap onyń ótelmegen jaza merziminiń 4/1 bóligi, ıaǵnı 5 aı 12 kúnge qysqartyldy», - dep túsindirdi Qaraǵandy oblysy Abaı aýdandyq sotynyń sýdıasy, BAQ-pen jumys jónindegi úılestirýshi Ardaq Jumashev.

Eske sala ketsek, 3 qazan kúni sot úkimimen ıÝrıı Pak terrorıstik akt týraly kórineý jalǵan habar taratý boıynsha sottaldy. Oǵan jalpy rejimdegi túzetý mekemesinde eki jylǵa bas bostandyǵynan aıyrý jazasy taǵaıyndaldy.

Tergeýdiń anyqtaýynsha, fızıka pániniń muǵalimi polıtsııaǵa Qaraǵandydaǵy saýda ortalyǵy ǵımaratyna jarylǵysh zattyń qoıylǵandyǵyn habarlaǵan. Alaıda, pedagogtyń ózi bul iske qatysy joqtyǵyn aıtty.

ıÝrıı Pak isi úlken qoǵamdyq rezonans  týdyrdy. Onyń aıypsyz ekenine senimdi qazaqstandyqtar jalǵan lańkestik úshin eki jylǵa  sottalǵan qaraǵandylyq muǵalimge qoldaý bildirip, petıtsııaǵa qol qoı dy. Onda jazalaý úkimi shyqqan fızıka pániniń oqytýshysy ıÝrıı Paktiń isin qaıta qaraý suralǵan. Alaıda, Qaraǵandy oblystyq sotynyń sot alqasy muǵalimge shyǵarylǵan úkimdi ózgerissiz qaldyrdy .