Bomba bolýy múmkin: Óskemende polıtsııa áýejaıdy qorshaýǵa aldy

ÓSKEMEN. QazAqparat – Óskemen qalasynda polıtsııa qyzmetkerleri kúdik týdyrǵan sómkege baılanysty áýejaıdy qorshaýǵa aldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 20 naýryzda Óskemende kúdik týdyrǵan sómkege oraı áýejaı qorshaýǵa alyndy.

«Qalalyq PB polıtsııa qyzmetkerleri áýejaı turaǵyn patrýldeý barysynda kúdikti qara sómkeni tapqan. Sıgnaldy alǵannan keıin mamandandyrylǵan qyzmetter dereý oqıǵa ornyna bardy. Tekserý nátıjeleri boıynsha qandaı da bir qaýipti zattar tabylǵan joq», - delingen aqparatta.

Eske salsaq, aqpan aıynda qaladaǵy mektepterde bomba qoıylǵany týraly birneshe kún qatarynan habar túskenin habarlaǵan edik.

Alaıda bul habarlardyń barlyǵy jalǵan bolyp shyqty.