Bomba bar: Pavlodar saýda ortalyǵynan 460 adam evakýatsııalandy

Qaladaǵy eń iri saýda jáne oıyn-saýyq ortalyǵyna bomba qoıylǵany týraly qońyraý tústi. Oqıǵa ornyna saperlar men órt sóndirýshiler kelip jetti, dep habarlaıdy QazAqparat.

Ǵımarattan kelýshiler men qyzmetkerler, barlyǵy 460-qa jýyq adam evakýatsııalandy.

«Saǵat 14.09-da «Batyrmall» SOSO ǵımaratyna jarylǵysh zat qoıylǵany týraly habarlama tústi. Oqıǵa ornyna 9 tehnıka men jeke quramnan 31 adam shyqty. Evakýatsııalaýdy saýda ortalyǵy men 102 qyzmetkerleri júrgizdi», dep habarlady tótenshe jaǵdaılar departamentiniń baspasóz qyzmetinen.

Saýda ortalyǵynyń ǵımaratynan jarylǵysh zat tabylǵan joq. Atalǵan fakt Ońtústik polıtsııa bóliminde tirkeldi.

Eske sala ketsek, bir apta buryn terrorızm aktisi týraly kórineý jalǵan habarlaǵany úshin buǵan deıin de jaýapqa tartylǵan er adam óz qateliginen sabaq almaı, bomba týraly aıtyp, qaıta qońyraý shalǵanyn habarlaǵan bolatynbyz. 

Ǵımarattan jarylǵysh zat tabylǵan joq.