Boljam: Ebola vırýsy Reseıge 24 qazanda jetýi múmkin
ASTANA. QazAqparat - Sarapshylar Reseıde Ebola bezgegin birinshi juqtyrý yqtımaldyǵyna baılanysty boljam jasady. Olardyń málimetteri boıynsha, vırýs 24 qazanda juǵady degen qaýip 1 paıyzdy quraıdy, al 24 qazanǵa qaraı onyń juǵý qaýpi 5 paıyzǵa jetedi. Mundaı eseppen Bostonnyń Soltústik Shyǵys ýnıversıtetiniń bıologııalyq jáne áleýmettik júıelerdi modeldeý zerthanasynda bólisti, dep habarlady «Izvestııa».
MoBS ǵylymı qyzmetkeri Marselo Gomestiń sózine qaraǵanda, indettiń bolý yqtımaldyǵy Batys Afrıka elderinde bezgekti joıý boıynsha sharalardy qabyldamaǵan jaǵdaıda ulǵaıa beredi.
Sonymen birge ol zerthananyń boljamdy tek 1-2 aıǵa jasaıtynyn atap ótti. Sebebi epıdemııaǵa baılanysty jaǵdaıǵa túrli faktorlar, mysaly, bezgek taraǵan elderde densaýlyq saqtaý salasy jaǵdaıynyń jaqsarýy, halyqaralyq kómektiń azaıýy nemese kóbeıýi nemese avıatsııalyq habarlamadaǵy ózgerister áser etýi múmkin.
Vırýs Reseıge áýe habarlamasy arqyly jetýi múmkin. Mamannyń aıtýynsha, Reseı Federatsııasy men Batys Afrıka arasyndaǵy áýe habarlamasy Eýropaǵa qaraǵanda, báseńdeý.Sonda da ol joq emes, bar. Sondyqtan densaýlyq saqtaýǵa jaýap beretin Reseı vedomstvolary Reseıge keletin jolaýshylarǵa dıagnostıka júrgizýge daıyn bolýlary kerek.
