Boljam boıynsha 2012 jyly elimizdegi ataýly jalpy ishki ónim 28,9 trln. teńgeni quraıdy - Q.Kelimbetov
rong>ASTANA. 27 tamyz. QazAqparat /Qanat Mámetqazyuly/ - Boljam boıynsha 2012 jyly elimizdegi ataýly jalpy ishki ónim 28,9 trln. teńgeni quraıdy. Al, 2017 jyly bul kórsetkish 44,7 trln. teńgege deıin ulǵaıady.
Búgin QR Úkimeti otyrysynda 2012-2016 jyldarǵa arnalǵan áleýmettik ekonomıkalyq damý boljamyn usynǵan Ekonomıkalyq damý jáne saýda mınıstri Qaırat Kelimbetov osylaı málim etti.
Atalmysh qujat elimizdiń 2020 jylǵa deıingi damý strategııalyq josparynda jáne Elbasynyń halyqqa Joldaýynda júktelgen mindetterdi júzege asyrý maqsatynda ázirlengen. Ekonomıkalyq damý jáne saýda mınıstri Q. Kelimbetovtiń aıtýynsha, makroekonomıkalyq kórsetkishter boljamy birinshi jartyjyldyqtyń qorytyndylaryn, álemdik taýar naryqtaryndaǵy jaǵdaıdy, sondaı-aq halyqaralyq uıymdardyń negizgi eksporttyq taýarlarǵa álemdik baǵa boıynsha túzilgen boljamdaryn esepke ala otyryp qalyptastyrylǵan.
«2012 jyly bazalyq stsenarıı úshin munaı baǵasynyń boljamdyq deńgeıi barreline 80 dollardy quraıdy. Al, 2013-2016 jyldarda bul kórsetkish 70 dollar deńgeıinde bolady. Jalpy bul álemdik ekonomıkadaǵy bolýy yqtımal qaýiptermen sáıkes keledi. Sondaı-aq, boljam boıynsha 2012 jyly ataýly jalpy ishki ónim 28,9 trln. teńgeni quraıdy. Al, 2017 jyly bul 44,7 trln. teńgege ulǵaıady», - dedi Q. Kelimbetov.
