Boljam: Aldaǵy 50 jylda Syrdarııa men Amýdarııa arnasy 15 paıyzǵa kemıdi
ALMATY. QazAqparat - Aldaǵy 50 jylda Syrdarııa men Amýdarııa arnasy 15 paıyzǵa kemıdi. Bul týraly «Ortalyq Azııadaǵy sý resýrstarynyń bolashaǵy» forýmynda sarapshy Saǵıt Ibatýllın málim etti.
«Muzdaqtar aqyryndap erip jatyr. Ortalyq Azııadaǵy taý shyńdaryndaǵy muz qory sońǵy 40 jylda 25 paıyzǵa azaıdy. Ókinishtisi, 6-10 jylda sý aǵysy erigen muz esebinen kóbeıip, arna tolyp aǵýy múmkin. Sodan keıin muzdardyń aıtarlyqtaı «juqarǵanyn» kóretin bolamyz», - deıdi S.Ibatýllın.
Onyń bul boljamyna súıensek, osy qarqynmen Syrdarııa 10-12, Amýdarııa 10-15 paıyzǵa azaıady.
«Bul 50-70 jylǵa arnalǵan boljam», - dep naqtylaı tústi ol sózin.
Sonymen qatar, ol jer-sý resýrstarynyń tozyp bara jatqanyn, bıoalýandylyqtyń joǵalyp bara jatqanyn aıtty.
