Bólshek saýdadaǵy eń kóp úles Almaty qalasynyń enshisinde bolyp otyr
ASTANA. QazAqparat - 2015 jylǵy qańtar-aqpanda bólshek saýda kólemi ótken jylǵy tıisti kezeńmen salystyrǵanda 3,9 paıyzǵa joǵarylap, 857,2 mlrd. teńgege jetti.
Bul rette bólshek saýdadadyǵy asa joǵary úles respýblıka boıynsha Almaty qalasyna tıesili bolyp tabylady.
QR Ulttyq ekonomıka mınıstrligi Statıstıka komıtetiniń málimetine qaraǵanda, esepti kezeńde, saýda kásiporyndary arqyly taýarlardy ótkizý kólemi 2014 jylǵy qańtar-aqpanǵa qaraǵanda 470,6 mlrd. teńgeni qurap, naqty mándegi kórsetkish 2,2 paıyzǵa artqan. Sonymen qatar, 2015 jylǵy qańtar-aqpanda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 6,1 paıyzǵa joǵarylaǵan. Atalǵan ótkizý arnasynyń úlesi bólshek saýdanyń jalpy kóleminde 45,1 paıyzdy qurady.
Budan bólek, komıtettiń málimetine qaraǵanda, bólshek saýda qurylymynda azyq-túlik emes taýarlar basym bolyp, bul bólshek saýdanyń jalpy kóleminde 65,8 paıyzdy qurady. Al azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 6,2 paıyzǵa artyp, azyq-túlik taýarlary 0,8 paıyzǵa tómendegen.
Bólshek saýdanyń jalpy kólemindegi asa joǵary úles salmaǵy 2015 jyly qańtar-aqpanda respýblıka bo ıynsha Almaty qalasyna (29,6 paıyz), Astana qalasy (10,8 paıyz) jáne Qaraǵandy oblysyna (10,3 paıyz) tıesili bolǵan.
