Bólshek saýda úlesinen Almaty men Astana qalalary kósh bastap tur
ASTANA. QazAqparat - Byltyrǵy jyldyń kórsetkishi boıynsha, elimizde bólshek saýdanyń jalpy kólemindegi asa joǵary úlesi Almaty (26,8 paıyz) jáne Astana qalalary (10,2 paıyz) men Qaraǵandy oblysyna (9,7 paıyz) tıesili. Bul týraly QR Ulttyq ekonomıka mınıstrliginiń Statıstıka komıtetinen habarlandy.
Derekterge súıensek, 2014 jylǵy qańtar-jeltoqsandaǵy bólshek saýda kólemi ótken jylǵy tıisti kezeńmen salystyrǵanda 12,1 paıyzǵa joǵarylap 6 trln. 20,8 mlrd. teńgege jetken.
Bul rette 2014 jylǵy qańtar-jeltoqsanda saýda kásiporyndary arqyly taýarlardy ótkizý kólemi 3 244,1 mlrd. teńgeni qurap, naqty mándegi kórsetkish 15,2 paıyzǵa artqan.
«Budan bólek, 2014 jylǵy qańtar-jeltoqsanda bazarlarmen jáne jeke kásipkerlermen jasalǵan saýda kólemi ótken jyldyń tıisti kezeńimen salystyrǵanda 8,8 paıyzǵa joǵarylady. Mundaı ótkizý arnasynyń úlesi bólshek saýdanyń jalpy kóleminde 46,1 paıyzdy qurady», - delingen baspasóz baıanynda.
Tutastaı alǵanda, bólshek saýda qurylymynda azyq-túlik emes taýarlar basym bolyp otyr. Bul rette azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 13,3 paıyzǵa ósken, al azyq-túlik taýarlar 10,1 paıyzǵa ulǵaıǵan.
2015 jylǵy 1 qańtardaǵy derek boıynsha bólshek saýdadaǵy saýdamen aınalysatyn kásiporyndardyń taýarlyq qorlarynyń kólemi 324,8 mlrd. teńgeni qurap otyr.
