Bólshek saýda kólemi ótken jylǵy tıisti kezeńmen salystyrǵanda 11,8%-ǵa joǵarylap 1048,4 mlrd.teńgege jetti

dep habarlady QR Statıstıka agenttigi.

Aǵymdaǵy jylǵy sáýirde 2010 jylǵy sáýirmen salystyrǵanda taýarlardy bólshek saýdada ótkizý kólemi 11,4%-ǵa joǵarylady.

2011 jyly qańtar-sáýirde saýda kásiporyndary arqyly taýarlardy ótkizý kólemi 2010 jylǵy qańtar-sáýirge qaraǵanda 566,2 mlrd. teńgege jetti nemese 8,1%-ǵa artyq.

Saýdanyń bazarlarmen jáne jeke kásipkerlermen tartymdylyǵy halyqtyń satyp alýshylyq belsendiliginiń áli de mańyzdy bolyp qalýynda. 2011 jylǵy qańtar- sáýirde osy arnada ótkizý kólemi ótken jylǵy tıisti kezeńmen salystyrǵanda 16,5%-ǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 46%-dy qurady.

Bólshek saýda taýar aınalymy qurylymynda azyq-túlik emes taýarlar basym (bólshek saýdanyń jalpy kólemine 63,6%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 10,6%-ǵa, azyq-túlik taýarlar - 14,2%-ǵa ulǵaıdy.