Bólshek saýda kólemi 12,4 paıyzǵa artty
ASTANA. 13 tamyz. QazAqparat - 2013 jylǵy qańtar-shildede bólshek saýda kólemi ótken jylǵy tıisti kezeńmen salystyrǵanda 12,4%-ǵa joǵarylap, 2 645,4 mlrd. teńgege jetti.
«2013 jylǵy qańtar-shildede saýda kásiporyndary arqyly taýarlardy ótkizý kólemi 1 425,6 mlrd. teńgeni qurady nemese 2012 jylǵy qańtar-shildege qaraǵanda 16,6%-ǵa artyq»,-delingen QR Statıstıka agenttiginiń málimetinde.
2013 jylǵy qańtar-shildede bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 7,8%-ǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 46,1%-dy qurady.
Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 64,6%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 15%-ǵa, azyq-túlik taýarlar - 7,6%-ǵa ulǵaıdy.
