Bólip tóleý arqyly satylatyn taýardyń baǵasyn bólek kórsetý talaby elektrondy kommertsııaǵa qoldanylady

ASTANA. KAZINFORM – Astana qalalyq saýda jáne tutynýshylardyń quqyqtaryn qorǵaý departamenti basshysynyń orynbasary Ǵalymjan Іlııasov 11 qazannan bastap kúshine engen Іshki saýda qaǵıdalarynyń jańar erejesi týraly túsinikteme berdi.

Atalǵan ereje boıynsha baǵa japsyrmalarynda bir taýarǵa bir ǵana baǵa kórsetilý kerek. Al taýar bólip tóleý arqyly satylsa, qolma-qol jáne bólip tóleý baǵalary bólek-bólek jazylýǵa tıis.

- Bul ózgerister taýardy bólip tóleý arqyly satyp alǵan jaǵdaıda tutynýshy taýarǵa qanshalyqty artyq aqy tóleıtinin anyq túsinýge múmkindik beredi. Іshki saýda sýbektisi taýardy óz qarajaty esebinen bólip tóleý arqyly ótkizý jáne bir jolǵy tólemmen ótkizý kezinde baǵany bólek-bólek kórsetedi. Bul norma elektrondyq kommertsııalarǵa da qatysty, - dedi Ǵalymjan Іlııasov.

Buǵan deıin saýda jáne ıntegratsııa mınıstrligi bólip tóleý arqyly taýar satyp alýdyń quqyqtyq qaltarystaryn túsindirgen bolatyn.