Bolonıadaǵy jarylys: qıraǵan kópirdi qalpyna keltirýge 1 mıllıon eýro jumsalady
RIM. QazAqparat - Bolonıa túbindegi A14 avtodańǵylynda bolǵan jarylys saldarynan qıraǵan kópirdi qaıta qalpyna keltirý jumystary kem degende 5 aıǵa sozylyp, 1 mln eýro jumsalady. Bul jóninde Italııanyń Infraqurylym jáne kólik mınıstri Danılo Tonınellı málim etti, dep habarlaıdy QazAqparat tilshisi TASS agenttigine silteme jasap.
"Kópirdi jóndeýge ketetin qarajat jaıynda aıtar bolsaq, Autostrade per l'Italia aktsıonerlik qoǵamy qaıta qulatý jumystaryn qosqanda qalpyna keltirý isiniń jalpy kólemi 1 mıllıon eýroǵa baǵalanatynyn aıtady. Kópirdiń qaıta júretin qurylysyn aıtsaq, eýropalyq jáne ıtalııalyq óndirýshilerden uzyndyǵy 24,65 metr jáne bıiktigi 1,1 metr bolatyn 12 arqalyq izdestirilip jatyr. Tabylǵan jaǵdaıda qalpyna keltirý jumystaryn jedeldetýge múmkindik týady. Áıtpese jumystar 5 aıǵa sozylyp ketýi múmkin", - dedi Tonınnelı Rai News 24 jańalyqtar arnasyna bergen suhbatynda.
Eldiń Іshki ister mınıstrliginiń málimetinshe, dúısenbi kúni bolǵan avtotsısternanyń jarylysynan 1 adam qaza taýyp, 90 adam zardap shekken. Prokýratýranyń nusqasy boıynsha, júrgizýshi uıyqtap ketip, basqa júk kóligimen soqtyǵysqandyqtan avtotsısterna jana bastaǵan. Oqıǵa saldarynan avtotsısterna turǵan estakadanyń bóligi qırap túsken.
Jalyn tótenshe jaǵdaı bolǵan orynnyń janyndaǵy jolda ornalasqan kólik salonyna aýysyp, saldarynan turaqta turǵan kólikter órtenip, keıbireýleri baqtaǵy janǵysh zattardyń tutanýynan keıin jarylǵan.
Buǵan deıin Bolonıadaǵy benzın tasymaldaýshy kólikte jarylys bolyp, 70 adam qaza tapqany habarlanǵan edi.
