Bólmeniń irgesinen kóne sýretter tabyldy
ASTANA. 13 qazan. QazAqparat - Gvatemalanyń Chahýl eldi mekenindegi eski úılerdiń birinen Maııa mádenıetine tıesili freskalar tabyldy.
Bul sýretterdi óz as bólmesinde jóndeý jumystaryn júrgizbek bolǵan turǵyn anyqtapty. Onyń úıi 17-18-shi ǵasyrlarda salynǵan eken. Bul týraly Qazaqstan ulttq arnasy habarlaıdy.
Ǵalymdar jazbanyń shynymen de sol kóne taıpa ómir súrgen kezde salynǵanyn rastady. Іrgede úndi jáne ıspan kostıýmderin kıgen adamdar legi beınelengen. Zertteýshilerdiń paıymdaýynsha, bul - «jaýlap alý bıiniń» kórinisi. Arheologtardyń pikirinshe, freskalar - óte sırek olja. Sondyqtan, olardy tezirek zertteý qajet. Sebebi, jazbalar aýa men jaryqtyń áserinen múldem joq bolyp ketýi múmkin.
