Bolmanovtar otbasy qyzdy boldy
ASTANA. QazAqparat - Bolmanovtar otbasynda qyz bala dúnıege keldi. Osy jańalyqpen otaǵasy - Qydyráli Bolmanov óziniń Instagram jelisindegi paraqshasynda bólisti, dep habarlaıdy QazAqparat tilshisi.
«Súıinshi, - Qazaq Eli! Júregim qýanyshqa tolyp, Alla bere salǵan baqyttyń «ińgásin»estip, kishkene abdyrap, tús kórip jatqan joqpyn ba desem, oıaýmyn, qyzyq ta qýanyshty, óń men tús aralasyp ketkendeı, baqyttyń «nokdaýnnan» eseńgirep qalǵandaı, ǵajap bir haldemin... Bárińizben bóliskim keledi ! Qazaqtyń sheksiz uly dalasyna jar salyp,aıqaılaǵym keledi! Sizderge de osyndaı sheksiz baqyt tileımin! Júregin ıman nurymen nurlandyryp, ózin de, minezin de kórkimen, uzaq ǵumyrymen, baıandy Baqytymen, óziniń súıikti quldarynyń qatarynan etip, eki ómirdiń abyroıyn násip etkeı! Barlyq perishte-sábılerge de tilegim osylaı», - dep jazdy Bolmanov óziniń túngi jazbasynda.
Aıta keteıik, naýryz aıynda jastarmen bolǵan kezdesýde Qaraqat Ábildına suraqtarǵa jaýap bere otyryp, mamyr aıynda besinshi balaǵa bosanatynyn jetkizgen . «Meniń anam 16 qursaq kótergen. Kózimiz tirimiz az qaldyq. Degenmen, kópbalaly otbasynda aýylda óstim. Anam óteq arapaıym jan, er azamatynyń jaǵdaıyn jasap, úıdiń berekesin keltirip otyrǵan. Anam ómir boıy qyzmet istemese de, eriniń qas qabaǵyna qarap, bala-shaǵasyn baǵyp-qaqty. Ákem el basqarǵan abyroıly azamat boldy. Altyn toılaryna jetpeı qalyp, on jyl buryn dúnıeden ozdy. Qazir nemeresi men shóberesiniń sanynan shatastyq. Qudaıǵa shúkir, barmyz», - deıdi Qaraqat Ábildına.
Búginde Bolmanovtar otbasynda tórt ul bar. Olar - Bekbolat, Imanáli, Nurálı men Aısultan.
