Bollıvýd juldyzy paıǵambarǵa til tıgizgeni úshin 26 jylǵa sottaldy
ASTANA. QazAqparat - Pákistan soty Bolllıvýd juldyzy Vına Malıkti paıǵambarǵa til tıgizdi dep aıyptap, 26 jylǵa bas bostandyǵynan aıyrý týraly sheshim shyǵardy, dep jazady sheteldik BAQ.
Oqıǵa bylaı bolǵan: 14 mamyr kúni Geo TV arnasynyń tańerteńgilik shoýynda aktrısa Vına Malık pen onyń joldasy Muhammed paıǵambardyń otbasy jaıynda ǵaıbat sózder aıtqan. Keıin Geo Television osy úshin kópshilikten keshirim suraǵan bolatyn. Sonda da sot Geo medıatobynyń jetekshisi Shakıl-ar-Rahmandy, kınojuldyz Vına Malık pen onyń kúıeýin 26 jylǵa bas bostandyǵynan aıyrý týraly sheshim shyǵardy. Pákistandaǵy antıterrorlyq sot sonymen birge sottalǵan úsheýdiń árqaısysyna 1,3 mln. rýpıı (12,6 myń dollar) kóleminde aıyppul tóleýdi mindettedi.
«Olardyń bul qylyqtary - barlyq musylmandardy qorlaý. Sondyqtan da qatal jazalanýy tıis», - dep esepteıdi sottaǵylar.
