Bolıvııadaǵy qandy karnaval: 40 adam qaza tapty
ASTANA. QazAqparat - Bolıvııadaǵy karnaval kezinde kem degende 40 adam qaza taýyp, 100 adam jaraqat alǵan. Bul derekti seısenbi kúni el úkimeti rastady, dep habarlaıdy Sınhýa agenttigi.
Bolıvııanyń ishki ister mınıstri Karlos Romero radıoǵa bergen suhbaty kezinde adamdardyń basym bóligi karnaval kezinde bolǵan jol-kólik oqıǵasy saldarynan qaza tapqanyn habarlaǵan.
«Úsh kúnge sozylǵan karnavalda 40 adam mert boldy. 124 adam túrli jaraqat alǵan. Qaza tapqandar men jaraqat alǵandardyń basym bóligi jol apaty, Orýro qalasyndaǵy jarylys jáne sý tasqyny saldarynan qaıǵyly oqıǵaǵa tap bolǵan. Seısenbidegi jaǵdaı boıynsha esepti qaraýymyz kerek», - dedi mınıstr Romero.
Úkimettiń esebine sáıkes, jol apaty saldarynan 16 adam qaza tapqan. Orýro qalasynda karnaval kezinde gaz ballonynyń jarylý saldarynan segiz adam ajal qushty.
Budan bólek, taǵy segiz adam sýǵa aǵyp ketse, tórteýi óltirip, úsheýi óz-ózine qol jumsaǵan jáne taǵy birneshe adamdy úsik shalǵan.
Jergilikti polıtsııa deregi boıynsha, byltyrǵy karnaval kezinde 67 adam mert bolǵan.
