Bolıvııada jolaýshylar avtobýsy aýdarylyp, segiz adam qaza tapty
ASTANA. QazAqparat - Bolıvııanyń batysynda jolaýshylar avtobýsy aýdaryldy. ABI agenttigi beısenbide habarlaǵandaı, apat saldarynan segiz adam qaza tapty, onyń ishinde toǵyz aılyq nárseste bar. 37 adam zardap shekti. Quqyq qorǵaý organdary bolǵan oqıǵanyń mán-jaıyn anyqtap jatyr, dep jazdy «TASS».
Belgili bolǵany, avtobýs júrgizýshisi qoldanystaǵy salyq júıesine qarsy narazylyq retinde joldy japqan kólik kompanııalarynyń ereýili saldarynan avtobýsty burýǵa májbúr bolǵan. Apat Potosı jáne Orýro departamentteri arasyndaǵy tas jolda oryn aldy.
