Bolıvııada ushaqtyń qulaýynan tórt adam qaza tapty
ASTANA. QazAqparat - Bolıvııada jeńil motorly ushaqtyń qulaýy saldarynan tórt adam qaza tapty. Bul týraly jergilikti bılik kózderine silteme jasap TASS habarlaıdy.
Áýe apaty Benı departamentiniń astanasy Trınıdad qalasynan bes shaqyrym jerde boldy. Áýe kemesiniń ushqyshy, bir áskerı qyzmetker jáne jergilikti saılaý komıssııasynyń eki qyzmetkeri qaza tapty.
Apattyń sebepteri anyqtalý ústinde. Qolda bar aqparat boıynsha, ushaq qulaǵan sátte jańbyr jaýyp turǵan ári qalyń tuman bolǵan.
