Bolıvııada túrmedegi búlik kezinde mert bolǵandardyń sany 29 adamǵa jetti
ASTANA. 24 tamyz. QazAqparat - Bolıvııada eń joǵary qatań tártip rejımi boıynsha túrmede otyrǵan toptardyń arasyndaǵy qaqtyǵys saldarynan 29 adam mert boldy. Qaıtys bolǵandardyń arasynda merzimin ótep júrgen ata-anasymen birge túrmede turatyn kishkentaı bala da bar. Taǵy 50 adam ár túrli jaraqat alǵan. 25 adam aýrýhanaǵa jatqyzyldy, olardyń kópshiliginiń jaraqattary aýyr. Qazirgi ýaqytta bılik túrmedegi jaǵdaıdy baqylaýǵa aldy, dep habarlady Lenta.Ru.
Bolıvııa prezıdenti Evo Morales qaqtyǵystyń sebepteri muqııat tekseriletin bolady dep málimdedi.
Oqys oqıǵanyń jaqynda Santa-Krýs departamentinde bolǵanyn esterińizge salamyz. Polıtsııa tártipsizdikke eki korpýsta otyrǵan sottalýshylardyń arasyndaǵy ózara janjal sebep bolǵandyǵyn aıtty. Qylmyskerler túzetý mekemesiniń aýmaǵyndaǵy yqpal etý salasyn bóliske salǵan. Qaqtyǵys kezinde belgisiz sebeptermen gaz balony jarylyp, órt bastalǵan. Kóptegen sottalýshylar órt saldarynan qaıtys bolǵan.
