Bolıvııada nóser jaýyn saldarynan keminde 20 adam qaza tapty
ASTANA. KAZINFORM — Bolıvııanyń Santa-Krýs departamentindegi eldi mekenderge nóser jańbyr jaýyp, ózender arnasynan tasýy saldarynan keminde 20 adam qaza taýyp, taǵy 20-dan astamy habar-osharsyz ketken. Bul týraly dúısenbi kúni el úkimeti habarlady, dep jazady Sınhýa.
Bolıvııanyń azamattyq qorǵanys vıtse-mınıstri Alfredo Troche 14 jeltoqsandaǵy jaǵdaı boıynsha jeti adamnyń qaza tapqanyn málimdedi. Qalǵan marqumdardyń máıitteri qutqarý jumystary keńeıtilip, sý deńgeıi tómendegennen keıin tabylǵan.
— Ókinishke qaraı, qazirgi ýaqytta 20 adamnyń qaza tapqany rastaldy, taǵy jıyrma shaqty adam habar-osharsyz joǵalǵandar qatarynda, — dedi Alfredo Troche.
Sondaı-aq ol Santa-Krýs departamentiniń tótenshe jaǵdaı aımaǵy dep jarııalanǵanyn aıtty.
12 jeltoqsan keshinen bastap jaýǵan nóser jańbyr Pıraı ózeni men onyń tarmaqtarynyń arnasynan asyp, keminde 22 eldi mekendi sý basty. Sonyń ishinde eń qatty zardap shekken aýdandardyń biri — El-Torno qalasy boldy.
Budan buryn osy jyldyń naýryzynda Bolıvııa sý tasqyny men kóshkinge baılanysty tótenshe jaǵdaı jarııalaǵan edi.
