Bolıvııada naızaǵaı soqqan bes adam mert boldy
ASTANA. QazAqparat - Jergilikti BAQ-tyń málimetteri boıynsha, Bolıvııada naızaǵaı soqqan bes adam qazaǵa ushyrady. Olar tabıǵat apatynan boı tasalamaq bolyp, bos turǵan turǵyn jaıǵa kirgen, sonda olardy naızaǵaı togy mert qyldy.
Oqıǵa Bolıvııadaǵy Benı departamentiniń San-Lorenso qalasynda boldy, dep habarlady RT jergilikti BAQ-qa silteme jasap.
Ólgenderdiń arasynda eki jasóspirim bar. Taǵy bir qart adam jaralanyp, aýrýhanaǵa jetkizildi.
Eske sala keteıik, budan buryn naızaǵaı saldarynan Norvegııada 323 jabaıy buǵy mert bolǵan edi. Sarapshylpardyń túsindirýinshe, bul biregeı oqıǵa, budan buryn jabaıy janýarlardy qorǵaýshylar naızaǵaı saldarynan osynsha kóp janýardyń bir mezgilde qyrylǵanyn eshqashan kórmegen bolatyn.
Norvegııalyq mamandar qazirgi kezde oǵan jaýap taba almaı otyrǵanyn moıyndady. Buǵan deıin Avstralııada 2005 jyly naızaǵaı túsýi saldarynan 66 sıyrdyń tabanda qyrylýy rekordtyq kórsetkish bolyp eseptelgen edi.
