Bolıvııada maımyl sheshegin juqtyrýdyń 15 jaǵdaıy rastalǵan

SÝKRE. QazAqparat – Dúısenbi kúni eldiń densaýlyq saqtaý jáne sport mınıstri Djeıson Aýza Bolıvııada maımyl sheshegin juqtyrýdyń 15 jaǵdaıy rastalǵanyn málim etti. Olardyń barlyǵy eldiń shyǵysyndaǵy Santa-Krýs qalasynan anyqtalǵan, dep habarlaıdy QazAqparat News CN-ge silteme jasap.

Aýrý juqtyrǵandardyń barlyǵy – 22 men 43 jas aralyǵyndaǵy er adamdar. Qazirgi ýaqytta olardyń jaǵdaıy turaqty, dárigerlerdiń baqylaýynda.

Elde aýrý jutyrýy múmkin degen 71 boljamdy jaǵdaı tirkeldi, onyń 15-i rastaldy. Aýrýǵa shaldyqqan naýqastarmen tikeleı baılanysta bolǵan 30 adam baqylaýda.

Bıliktiń málimetinshe, Santa-Krýsta ınfektsııa juqtyrýdyń 11 jaǵdaıy tirkelgen, al úsh naýqas Brazılııadan jáne bireýi Chılıden kelgen.

Bolıvııada maımyl sheshegi aýrýynyń kóbeıýine baılanysty ınfektsııanyń keńinen taralýyna jol bermes úshin epıdemıologııalyq baqylaý kúsheıtildi.

Foto: Reuters