Bolıvııada esirtki saýdalaýshylar ushaqtan 1 mln. dollardy laqtyryp jiberdi
ASTANA. 3 qazan. QazAqparat - Bolıvııa bıliginiń habarlaýynsha, esirtki saýdalaýshylardyń bandasy tómen qashyqtyqta ushyp kele jatqan ushaqtan 1 mln. AQSh dolarynan astam aqsha salynǵan sómkeni laqtyryp jibergen.
VVS-diń jazýynsha, Santa-Krýs provıntsııasynyń shyǵysynda túrli nomınaldaǵy dollar banknotyndaǵy aqshany bandynyń ózge músheleri alýy tıis bolǵan eken. Alaıda, olardyń bul jospary júzege aspaı, aqsha toly sómkeni bolıvııalyq esirtkige qarsy kúres polıtsııasy tárkilep, qaıtar jolda birneshe adamdy tutqyndaǵan kórinedi.
Belgili bolǵandaı, banknottardyń keıbir býmasynda kórshiles Paragvaı bankiniń móri basylǵan eken.
Bolıvııa kokaın esirtikisin óndirý kólemi boıynsha alǵashqy úshtiktiń qataryna enip otyr.
