Bolıvııada densaýlyq saqtaý mınıstrligi qyzmetkerleri mingen ushaq apatqa ushyrady
BÝENOS-AIRES. QazAqparat – Bolıvııa Áýe-qorǵanys kúshteriniń ushaǵy apatqa ushyrap, alty adam mert boldy. Onyń bortynda densaýlyq saqtaý mınıstrligi qyzmetkerleri bolǵan. Bul týraly senbi kúni el prezıdenti Lýıs Arse málimdedi, dep habarlaıdy QazAqparat TASS-qa silteme jasap.
«Bizdi alty adam mert bolǵan Pandodaǵy áýe apaty shoshytty. Jaýapty organdarǵa áýe apatynyń sebebin anyqtaýdy tapsyrdyq», - dep jazdy memleket basshysy Twitter-de.
Sondaı-aq, ol qaza tapqandardyń otbasyna kóńil aıtty.
Densaýlyq saqtaý mınıstrliginiń habarlaýynsha, ushaq bortynda vedomstvonyń jáne Ulttyq densaýlyq saqtaý zerthanasy ınstıtýtynyń tórt mamany bolǵan. Olar denge jáne chıkýngýnıa aýrýymen kúresýdi zertteýmen aınalysqan. Oqıǵa kezinde eki ushqysh da qaza tapqan.
Aldyn ala málimet boıynsha, ushaq Rıberalta qalasynan ushqannan keıin apatqa ushyraǵan. Mamandar Kobıha qalasyna jetip, ári qaraı kommertsııalyq reıspen basqa eldi mekenge ushýy tıis edi.
